अरे..रे..! आयसीसी टी20 स्पर्धेत या संघाने लाज काढली, अवघ्या 10 धावात संपूर्ण संघ तंबूत
टी20 वर्ल्डकप 2026 स्पर्धेसाठी आशिया गटात पात्रता फेरी सुरु आहे. या स्पर्धेत टी20 क्रिकेटमधील नकोसा विक्रम नोंदवला गेला आहे. अवघ्या 10 धावांवर सर्व संघ तंबूत परतला आणि पाच चेंडूत सामन्याचा निकाल लागला. या सामन्याची सर्वत्र चर्चा रंगली आहे.
टी20 वर्ल्डकप 2026 स्पर्धेच्या पात्रता फेरीत वाईट विक्रमाची नोंद झाली आहे. पात्रता फेरीत आशियाई गटातून मंगोलिया आणि सिंगापूर हे संघ आमनेसामने आले होते. या स्पर्धेत मंगोलियन संघाच्या नावावर नकोसा विक्रम नोंदवला गेला आहे. फक्त 10 धावांमध्ये संपूर्ण संघ तंबूत परतला आहे.
सिंगापूर संघाने नाणेफेकीचा कौल जिंकून प्रथम गोलंदाजी करण्याचा निर्णय घेतला. मंगोलिया संघाने 10 षटकांचा सामना केला आणि 10 धावा करून 10 गडी गमावले. सिंगापूर संघासमोर फक्त 11 धावांचं आव्हान दिलं.
मंगोलियाने या सामन्यात 10 षटकं खेळली हे विशेष आहे. पण फक्त 10 धावा करत आल्या. त्यामुळे टी20 क्रिकेटमधील सर्वात कमी धावा करण्याचा विक्रम त्यांच्या नावावर नोंदवला गेला आहे.
यापूर्वी हा विक्रम इस्ले ऑफ मॅन संघाच्या नावावर होता. त्यांनी 8.4 षटकात 10 धावा केल्या आहेत. स्पेनविरुद्ध त्यांनी हा नकोसा विक्रम रचला होता. तर तिसऱ्या आणि चौथ्या क्रमांकावर मंगोलियन संघ आहे. मंगोलियन संघाने 12 आणि 17 धावा केल्या आहेत.
मंगोलियन संघातून पाच खेळाडू आपलं खातंही खोलू शकले नाहीत. तर चार खेळाडू एक या धावसंख्येवर राहिले. तर दोन खेळाडूंनी दोन धावा केल्या. सिंगापूरकडून हर्षा भारद्वाजने 4 षटकात 2 निर्धाव षटकं टाकत 6 गडी बाद केले.
मंगोलियाने दिलेल्या 11 धावांच्या लक्ष्याचा पाठलाग सिंगापूरने पहिल्याच चेंडूवर विकेट गमावली. त्यानं विल्यम सिमसन आणि राउल शर्माने एक षटकार आणि 1 चौकार मारून सामना जिंकवला. अवघ्या या 5 चेंडूत हा सामना संपला. टी20 क्रिकेटमध्ये सर्वात कमी चेंडूंत विजयी लक्ष्य गाठलं आहे.