लेकाच्या अनेक वर्षांच्या मेहनतीला यश, सरफराजला कॅप घेताना पाहून बाप माणसाला अश्रू अनावर
Sarfaraz Khan Father Emotional | सरफराज खान गेल्या अनेक वर्षांपासून सातत्याने देशांतर्गत क्रिकेटमध्ये चमकदार कामगिरी करत होता. अखेर त्याला टीममध्ये संधी मिळाली आणि त्याचा प्लेईंग ईलेव्हनमध्ये समावेश करण्यात आला.
इंग्लंड विरुद्धच्या तिसऱ्या कसोटी सामन्यात टीम इंडियाने 4 बदल केले. टीम इंडियाकडून या सामन्यात 2 युवा खेळाडूंनी पदार्पण केलं आहे.
सरफराज खान आणि ध्रुव जुरेल या दोघांनी कसोटी पदार्पण केलं आहे. या दोघांचे फोटो बीसीसीआयने सोशल मीडियावर शेअर केले आहेत.
ध्रुव जुरेल टीम इंडियाकडून कसोटीत पदार्पण करणारा 312 खेळाडू ठरला आहे. तर सरफराज खान हा 311 वा खेळाडू ठरलाय.
दिनेश कार्तिक याने ध्रुव जुरेल याला टेस्ट कॅप दिली. यावेळेस इतर सहकाऱ्यांनी ध्रुवचं अभिनंदन करत शुभेच्छा दिल्या.
तर सरफराज खान याला अनिल कुंबळे यांनी टेस्ट कॅप दिली. सरफराजचं यासह अखेर अनेक वर्षांचं स्वप्न पूर्ण झालं. या अविस्मरणीय क्षणी सरफराज खानचे आई-वडीलही उपस्थित होते.
आपल्या लेकाला अनेक वर्षांच्या मेहनतीनंतर टीम इंडियात संधी मिळाल्याचं स्वप्न पूर्ण होताना पाहून सरफराजच्या वडिलांना अश्रू अनावर झाले. त्यांचा उर भरुन आला.
सरफराजने त्याच्या वडिलांच्या हातात कॅप दिली. यावेळेस सरफराजच्या वडिलांनी त्या कॅपला ओठांनी आदरपूर्वक स्पर्श केला. बाप-लेकाचा हा असा भावनिक क्षण अनेकांनी आपल्या कॅमेऱ्यात कैद करण्याचा प्रयत्न केला.