IND vs NZ : जसप्रीत बुमराहने मोडला कपिल देवचा तो विक्रम, वाचा काय केलं ते
World Cup 2023, IND vs NZ : वनडे वर्ल्डकप स्पर्धा जसजशी पुढे सरकत आहे, तसे काही विक्रम नोंदवले जात आहे. तसेच काही विक्रम मोडीत काढले जात आहे. असाच एक विक्रम जसप्रीत बुमराह याने मोडीत काढला आहे.
टीम इंडियाने वर्ल्डकप स्पर्धेत 20 वर्षानंतर न्यूझीलंडचा पराभव केला आहे. 2003 वनडे वर्ल्डकपमध्ये शेवटचं पराभूत केलं होतं. त्यानंतर न्यूझीलंडचा संघ कायमच टीम इंडियावर भारी पडला होता.
न्यूझीलंड विरुद्धच्या सामन्यात जसप्रीत बुमराह याने मार्क चॅपमनला तंबूत पाठवला आणि एक मैलाचा दगड गाठला आहे. भारताचा माजी अष्टपैलू आणि कर्णधार कपिल देव याचा विक्रम मोडीत काढला आहे.
1983 च्या वनडे वर्ल्डकप विजेत्या संघाचा कर्णधार कपिल देव चार वर्ल्डकप खेळला. यात एकूण 26 सामने खेळत 28 गडी बाद केले.
जसप्रीत बुमराह याने 14 सामन्यात 29 गडी बाद करत कपिल देवला मागे टाकलं आहे. बुमराह वनडे वर्ल्डकपमध्ये जास्त विकेट घेणारा चौथा भारतीय गोलंदाज ठरला आहे.
झहीर खान आणि जवागल श्रीनाथ यांनी प्रत्येकी 44 विकेट्स घेतल्या आहेत. तर मोहम्मद शमी 12 सामन्यात 36 गडी बाद करत दुसऱ्या स्थानावर आहे. 31 विकेटसह अनिल कुंबळे तिसऱ्या, तर जसप्रीत बुमराह 29 विकेटसह चौथ्या स्थानावर आहे.
जसप्रीत बुमराह गेलं वर्षभर दुखापतीमुळे संघाबाहेर होता. इतकंच काय तर टी20 वर्ल्डकपमध्ये खेळला नव्हता. तर आयपीएलमध्ये मुंबई इंडियन्सला त्याची उणीव भासली होती.
