IND vs NZ : मुंबईच्या वानखेडेवर रोहित शर्मा ठरणार फेल! उपांत्य फेरीत नकोसा रेकॉर्ड पुसणार का?
वनडे वर्ल्डकप स्पर्धेत उपांत्य फेरीचा सामना भारत आणि न्यूझीलंड यांच्यात होत आहे. हा सामना मुंबईच्या वानखेडे मैदानावर होणार आहे. त्यामुळे या सामन्यात कोण बाजी मारणार? याकडे लक्ष लागून आहे. तर रोहित शर्माचा वानखेडेवरील पाठचा रेकॉर्ड पाहून क्रीडाप्रेमींच्या डोक्यावर आठ्या पडल्या आहेत. त्यामुळे उपांत्य फेरीत नकोसा रेकॉर्ड पुसण्याची संधी रोहित शर्माकडे आहे.
वनडे वर्ल्डकप 2023 स्पर्धेत रोहित शर्माने 1 शतक आणि तीन अर्धशतकांच्या जोरावर 503 धावा केल्या आहेत. सर्वाधिक धावा करणाऱ्या खेळाडूंच्या यादीत रोहित शर्मा चौथ्या स्थानावर आहे. आता उपांत्य फेरीतही रोहित शर्मा चांगली कामगिरी करेल अशी अपेक्षा आहे. पण वानखेडेवरील त्याचा रेकॉर्ड तितकासा चांगला नाही.
मुंबईकर रोहित शर्माचं हे होमग्राउंड असून या मैदानात त्याच्याकडून चांगल्या खेळाची अपेक्षा आहे. पण वनडे फॉर्मेटमध्ये रोहित शर्मा 20 पेक्षा जास्त धावाच करू शकलेला नाही. रोहित शर्माने या मैदानात आतापर्यंत चार वनडे सामने खेळले आहेत.
रोहित शर्मा याने 2015 मध्ये दक्षिण अफ्रिकेविरुद्ध पहिला वनडे सामना खेळला होता. या सामन्यात त्याने 16 धावा केल्या होत्या. 2017 मध्ये न्यूझीलंड विरुद्ध सामना खेळताना 20 धावा करून बाद झाला होता.2020 मध्ये ऑस्ट्रेलिया विरुद्ध तिसरा वनडे सामना याच मैदानात खेळला होता. फक्त 10 धावा करून तंबूत परतला होता.
वनडे वर्ल्डकप 2023 स्पर्धेत श्रीलंके विरुद्धच्या सामन्यातही रोहित शर्मा अवघ्या 4 धावा करून तंबूत परतला. त्यामुळे वानखेडेवरील पाचव्या सामन्यात नकोसा विक्रम पुसणार की 20 धावांच्या आत आऊट होणार यावर प्रश्नचिन्ह आहे.
न्यूझीलंडकडून ट्रेंट बोल्ट आणि टिम साऊथी रोहित शर्मासाठी मोठा अडसर ठरू शकतात. स्विंग खेळताना रोहित शर्माला अडसर निर्माण केला होता. धर्मशाळेत भारत न्यूझीलंड सामन्यात याची प्रचिती क्रीडाप्रेमींना आली आहे.
रोहित शर्माला धावा करण्यापासून रोखायचं एकच मार्ग म्हणजे बाद करणे. या वर्ल्डकपमध्ये फक्त ऑस्ट्रेलिया आणि श्रीलंकेनेच अशी कमागिरी केली आहे. जोश हेझलवूड आणि दिलशान मदुशंका यांनी त्याला बाद केलं होतं.
