IND vs NZ : विकेटकीपर ऋषभ पंतचा आणखी एक कारनामा, कॅप्टन कूल महेंद्रसिंह धोनीचा विक्रम मोडीत
भारत न्यूझीलंड यांच्यातील तिसरा कसोटी सामना निर्णायक वळणावर आला आहे. भारताकडून शुबमन गिल आणि ऋषभ पंत यांनी दमदार खेळी केली. या दोघांच्या खेळीमुळे पहिल्या डावात भारताला 263 धावांपर्यंत मजल मारता आली. या डावात ऋषभ पंतने कॅप्टन कूल महेंद्रसिंह धोनीचा विक्रम मोडीत काढला.
तिसऱ्या कसोटीत भारताची स्थिती मजबूत आहे. पण दुसऱ्या डावातील फलंदाजीवर सर्वस्वी अवलंबून आहे. न्यूझीलंडच्या 9 बाद 143 धावा अशी स्थिती आहे. म्हणजेच तिसऱ्या दिवशी 200 च्या आता न्यूझीलंडचा डाव राहील अशी स्थिती आहे. त्यामुळे भारताला विजयाची संधी असणार आहे.
भारत आणि न्यूझीलंड सामन्यात ऋषभ पंतने वेगवान अर्धशतक ठोकलं आणि एक विक्रम आपल्या नावावर केला आहे. ऋषभ पंतने अवघ्या 36 चेंडूत अर्धशतक पूर्ण केला आणि विक्रम रचला.
दुसऱ्या दिवसाच्या पहिल्या तासात पंतने 138 च्या स्ट्राईक रेटने 36 चेंडूत 50 धावा केल्या. यासह न्यूझीलंडविरुद्ध जलद अर्धशतक ठोकणारा भारतीय फलंदाज ठरला आहे.
100 च्या स्ट्राइक रेटसह कसोटी क्रिकेटमध्ये सर्वाधिक अर्धशतके करणारा भारतीय यष्टीरक्षक म्हणून महेंद्रसिंग धोनीलाही मागे टाकले आहे. यापूर्वी हा विक्रम धोनीच्या नावावर होता ज्याने 100 पेक्षा जास्त स्ट्राइक रेटने 4 कसोटी अर्धशतके झळकावली होती. पण आता पंतने 100 पेक्षा जास्त स्ट्राइक रेटने 5 अर्धशतके केली आहेत.
कसोटीत सर्वात जलद अर्धशतक ठोकण्याचा मान ऋषभ पंतच्या नावावरच आहे. 2022 मध्ये श्रीलंकेविरुद्ध 28 चेंडूत अर्धशतक ठोकलं होतं.