IND vs ZIM : भारताने टी20 क्रिकेटमध्ये रचला इतिहास, 10 विकेट्सने विजय मिळवत नावावर केले रेकॉर्ड
टी20 क्रिकेट इतिहासाता भारताच्या शिरपेचात आणखी मानाचा तुरा खोवला गेला आहे. भारताने झिम्बाब्वेला 10 गडी राखून पराभूत केलं आहे. झिम्बाब्वेने विजयासाठी 153 धावांचं आव्हान दिलं होतं. हे आव्हान टीम इंडियाने 15.2 षटकात एकही गडी न गमवता पूर्ण केलं. यासह काही विक्रमांची नोंद केली आहे.
भारत झिम्बाब्वे यांच्यात पाच सामन्यांची टी20 मालिका भारताने 3-1 ने खिशात टाकली. झिम्बाब्वेने चौथ्या टी20 सामन्यात भारतासमोवर विजयासाठी 153 धावांचं आव्हान दिलं होतं. हे आव्हान भारताने 15.2 षटकात एकही गडी न गमवता पूर्ण केलं.
यशस्वी जयस्वाल आणि शुबमन गिल या जोडीने झिम्बाब्वेच्या गोलंदाजांना सळो की पळो करून सोडलं. यशस्वी जयस्वालने 53 चेंडूत नाबादग 93 धावा केल्या. तचर शुबमन गिलने 39 चेंडूत 93 धावांची खेळी केली. झिम्बाब्वेला दुसऱ्यांदा 10 विकेट्सने पराभूत केलं आहे.
टी20 क्रिकेटमध्ये 150 हून अधिक भागीदारी करणारी ही सहावी जोडी आहे. यापूर्वी 2017 मध्ये रोहित-केएल राहुलने श्रीलंकेविरुद्ध 165, यशस्वी जयस्वील-शुबमनने 2023 मध्ये वेस्ट इंडिजविरुद्ध 165, रोहित शर्मा-शिखर धवनने 2018 मध्ये आयर्लंडविरुद्ध 160, रोहित शर्मा- शिखर धवनने 2017 मध्ये न्यूझीलंडविरुद्ध 158 आणि आता शुबमन गिल आणि यशस्वीने झिम्बाब्वे विरुद्ध नाबाद 156 धावांची खेळी केली आहे.
टी20 क्रिकेटमध्ये धावांचा पाठलाग करताना शुबमन गिल आणि यशस्वी जयस्वालची दुसरी भागीदारी आहे. यापूर्वी 2017 मध्ये श्रीलंकेविरुद्ध 165 धावांची भागीदारी केली आहेत. त्यानंतर आता झिम्बाब्वेविरुद्ध नाबाद 156 धावांची भागीदारी केली आहे.
150 हून अधिक धावांचा पाठलाग करताना सर्वाधिक चेंडू शिल्लक ठेवण्याचा एक विक्रम नावावर केला आहे. भारताने 28 चेंडू शिल्लक ठेवून 153 धावा गाठल्या. यापूर्वी बांगलादेशविरुद्ध 26, अफगाणिस्तानविरुद्ध 26, वेस्ट इंडिजविरुद्ध 18 आणि श्रीलंकेविरुद्ध 17 चेंडू टीम इंडियाने शिलल्क ठेवून विजय मिळवला होता.
एकही विकेट न गमवता 200 धावांचा पाठलाग करण्याचा विक्रम पाकिस्तानच्या नावावर आहे. इंग्लंडविरुद्ध 200 धावांचं लक्ष्य गाठलं होतं. न्यूझीलंडने पाकिस्तानविरुद्ध 169, इंग्लंडने भारताविरुद्ध 169, भारताने झिम्बाब्वेविरुद्ध 153 आणि पाकिस्तानने भारताविरुद्ध 152 धावांचा पाठलाग केला होता.