IPL 2023 MI vs GT : रोहित शर्माच्या शिरपेचात मानाचा तुरा, आता गुजरात विरुद्ध केली अशी कामगिरी
मुंबई इंडियन्सचा कर्णधार रोहित शर्माने आयपीएल इतिहासात आणखी एक विक्रम आपल्या नावावर केला आहे. आयपीएलमध्ये सर्वाधिक षटकार ठोकत शिरपेचात मानाचा तुरा खोवला गेला आहे.
आयपीएलमध्ये सर्वाधिक षटकार ठोकणाऱ्या फलंदाजांच्या यादीत मुंबई इंडियन्सचा कर्णधार रोहित शर्मा आता दुसऱ्या क्रमांकावर पोहोचला आहे. (Photo : IPL/BCCI)
रोहित शर्माने एबी डिव्हिलियर्सला मागे टाकलं आहे. एबी डिव्हिलियर्स आरसीबीकडून खेळत होता. (Photo : IPL/BCCI)
वेगवान गोलंदाज मोहम्मद शमीच्या खेळीच्या तिसऱ्या षटकातील शेवटच्या चेंडूवर रोहितने षटकार ठोकला. यासह रोहितच्या नावावर या लीगमध्ये 252 षटकार झाले आहेत. एबी डिव्हिलियर्सच्या नावावर 251 षटकार आहेत. (Photo : IPL/BCCI)
सीएसकेचा कर्णधार आणि यष्टीरक्षक फलंदाज महेंद्रसिंग धोनी 239 षटकारांसह यादीत चौथ्या क्रमांकावर आहे. तर आयपीएलमध्ये 357 षटकार खेचणारा ख्रिस गेल अव्वल स्थानावर आहे. (Photo : IPL/BCCI)
रोहित शर्माने गुजरात विरुद्धच्या सामन्यात 18 चेंडूचा सामना केला. या तत्याने 3 चौकार आणि 2 षटकारांच्या मदतीने 29 धावा केल्या. मात्र राशिद खानच्या गोलंदाजीवर बाद होत तंबूत परतला. (Photo : IPL/BCCI)
मुंबई इंडियन्सने गुजरातसमोर विजयासाठी 219 धावांचं आव्हान ठेवलं आहे. हा विजय मुंबईसाठी महत्त्वाचा आहे. गुजरातने हा सामना जिंकल्यास थेट प्लेऑफचं तिकीट मिळणार आहे. (Photo : IPL/BCCI)