IPL 2023 : भुवनेश्वर कुमारच्या नावावर नवा विक्रम, पहिल्या षटकात अशी कामगिरी करणारा पहिला खेळाडू
IPL 2023 : आयपीएल स्पर्धेत फलंदाजांच्या नावावर नवनवे विक्रम प्रस्थापित होत आहेत. यात आता गोलंदाजही मागे नाहीत. वेगवान गोलंदाज भुवनेश्वर कुमारच्या नावावर असाच एका विक्रमाची नोंद झाली आहे.
भुवनेश्वर कुमार भारतीय गोलंदाजीतील प्रमुख अस्त्रापैकी एक आहे. आयपीएलमध्ये सनराईजर्स हैदराबाद संघाकडून खेळत आहे. संघासाठी पहिलं षटक टाकताना त्याने एका विक्रमाची नोंद केली आहे. (Photo : IPL/BCCI)
दिल्ली कॅपिटल्स विरुद्धच्या सामन्यात भुवनेश्वर कुमारने 4 षटकात 11 धावा देऊन दोन गडी बाद केले. यापैकी एक गडी पहिळ्याच षटकात घेतला होता. (Photo : IPL/BCCI)
पहिल्या षटकात दिल्ली कॅपिटल्सच्या फिल सॉल्टला बाद करत भुवनेश्वर कुमारने विक्रम नोंदवला आहे. पहिल्याच षटकात सर्वाधिक बळी घेण्याचा मान मिळवला आहे. (Photo : IPL/BCCI)
आयपीएल इतिहासात भुवनेश्वर कुमार याने 23 वेळा पहिल्या षटकात प्रतिस्पर्धी संघांना धक्का दिला आहे. यामुळे आयपीएल पहिल्या षटकाचा जादूगर ठरला आहे. (Photo : IPL/BCCI)
भुवनेश्वर कुमारनंतर या यादील ट्रेंट बोल्टचा नंबर येतो. बोल्टने पहिल्याच षटकात एकूण 21 गडी बाद केले आहेत. (Photo : IPL/BCCI)
माजी गोलंदाज प्रविण कुमार या यादीत तिसऱ्या क्रमांकावर आहे. प्रविण कुमारने पहिल्या षटकात एकूण 15 गडी बाद केले आहेत. (Photo : IPL/BCCI)
संदीप शर्मा पहिल्या षटकात 13 गडी बाद करत चौथ्या स्थानावर आहे. (Photo : IPL/BCCI)
माजी वेगवान गोलंदाज झहीर खान आयपीएलच्या पहिल्याच षटकात 12 गडी बाद करत पाचव्या स्थानावर आहे. (Photo : IPL/BCCI)
