IPL 2023 स्पर्धेत अर्शदीप सिंगची रिंकूने फोडलेल्या दयाळपेक्षा वाईट स्थिती, नकोसा विक्रम प्रस्थापित
आयपीएल 2023 स्पर्धेत 22 एप्रिल रोजी मुंबई इंडियन्स विरुद्ध विकेट घेणारा अर्शदीप सिंग अचानक हिरो वरून झिरो झाला आहे. पंजाबच्या वेगवान गोलंदाजाची मुंबई इंडियन्सच्या फलंदाजांनी जबरदस्त धुलाई केली.
मोहालीत मुंबई इंडियन्सविरुद्धच्या सामन्यात अर्शदीप सिंगने सर्वात खराब गोलंदाजी केली. पंजाब किंग्सने 214 धावा करूनही मुंबई इंडियन्सने हा सामना 7 चेंडू राखून जिंकला. अर्शदीप सिंगने नकोसा विक्रम आपल्या नावावर केला आहे. (Photo : IPL/BCCI)
अर्शदीप सिंगने T20 क्रिकेटच्या इतिहासात चार पेक्षा कमी षटकात सर्वाधिक धावा देणारा खेळाडू ठरला आहे. अर्शदीप सिंगने मुंबई इंडियन्सविरुद्ध 3.5 षटकात 66 धावा दिल्या. (Photo : IPL/BCCI)
यापूर्वी हा विक्रम बेन व्हीलरच्या नावावर होता, ज्याने 2018 मध्ये ऑस्ट्रेलियाविरुद्ध 3.1 षटकात 64 धावा दिल्या होत्या. (Photo : IPL/BCCI)
अर्शदीप सिंगने मुंबईविरुद्ध 17.21 च्या इकॉनॉमी रेटने धावा दिल्या. अर्शदीप सिंगच्या 23 पैकी 12 चेंडूवरच धुलाई झाली. अर्शदीप सिंगला 4 षटकार आणि 8 चौकार मारले. याशिवाय अर्शदीप सिंगनेही दोन वाइड चेंडू टाकले. (Photo : IPL/BCCI)
दोन सामन्यांपासून अर्शदीप सिंग चांगलाच महागात पडत आहे. चेन्नईविरुद्ध 4 षटकात 37 धावा दिल्या. तर लखनऊ सुपर जायंट्स विरुद्ध 54 धावा दिल्या. (Photo : IPL/BCCI)
अर्शदीप सिंगने या मोसमात 10 सामन्यांमध्ये 16 विकेट घेतल्या आहेत, परंतु त्याचा इकॉनॉमी रेट 9.80 आहे. (Photo : IPL/BCCI)