आयपीएल फ्रेंचाझींना या खेळाडूंना संघात घेण्यासाठी मोजावे लागले सर्वाधिक पैसे, जाणून घ्या कोण ते
आयपीएल पर्वात कोट्यवधी रुपये घेणाऱ्या खेळाडूंची कायम चर्चा होत असते. कोट्यवधी रुपयांसोबत त्यांचा खेळही तसाच असतो का हा देखील चर्चेचा विषय ठरतो. आतापर्यंत पाच खेळाडूंना 20 कोटीहून अधिक रक्कम मिळाली आहे. या यादीत भारताचा एकमेव खेळाडूचा समावेश आहे.
आयपीएल 2025 स्पर्धेची रिटेन्शन यादी जाहीर झाली आहे. यावेळी तीन खेळाडूंना 20 कोटीहून अधिक रुपये मिळणार आहे.पण यापूर्वी हा विक्रम दोन खेळाडूंच्या नावावर होता. रिटेन्शन यादीनंतर या यादीत पाच खेळाडूंचा समावेश झाला आहे. चला जाणून घेऊयात कोण ते
आयपीएल इतिहासात सर्वाधिक ऑस्ट्रेलियाचा मिचेल स्टार्क हा सर्वात महागडा खेळाडू ठरला आहे. मागच्या पर्वात कोलकाता नाईट रायडर्सने त्याच्यासाठी 24.75 कोटी रुपयांची बोली लावली होती. पण यंदाच्या पर्वात मिचेल स्टार्कला कायम ठेवलेलं नाही. त्याला रिलीज केलं असून त्याच्यासाठी किती बोली लागते हे पाहणं औत्सुक्याचं ठरणार आहे.
आयपीएलच्या या पर्वातील रिटेन्शन यादीत सनरायझर्स हैदराबादचा हेन्रिक क्लासेन सर्वाधिक भाव खाऊन गेला. मेगा लिलावापूर्वी फ्रेंचायझीने क्लासेनला 23 कोटी रुपयात कायम ठेवलं आहे.
विराट कोहली आयपीएलच्या इतिहासात सर्वाधिक मानधन घेणारा खेळाडू ठरला आहे. गेल्या 17 पर्वापासून विराट कोहली फ्रेंचायझीसोबत आहे. यंदाच्या पर्वात त्याला कर्णधारपद मिळू शकतं. फ्रेंचायझीने त्याच्यासाठी 21 कोटी रुपये मोजले आहेत.
लखनौ सुपर जायंट्सच्या रिटेन्शन यादीकडे लक्ष लागून होतं. लखनौने निकोलस पूरनला 21 कोटी रुपयात कायम ठेवलं आहे. आयपीएल इतिहासात सर्वाधिक रक्कम घेणाऱ्या खेळाडूंच्या यादीत चौथ्या क्रमांकावर आहे.
ऑस्ट्रेलियाचा कर्णधार पॅट कमिन्ससाटी सनरायझर्स हैदराबादने मागच्या पर्वात 20.50 कोटी मोजले होते. पण यावेळी त्याला कायम ठेवताना 18 कोटी दिले आहेत.
आयपीएल इतिहासात सर्वाधिक रक्कम घेणाऱ्या खेळाडूंच्या यादीत सॅम कुरनचं नावं होतं. मागच्या पर्वापर्यंत हा विक्रम त्याच्या नावावर होता. पण यंदाच्या पर्वात त्याला पंजाबने रिलीज केलं आहे.