T20 World Cup 2024 : एलएसजीच्या 5 खेळाडूंना वर्ल्ड कप टीमममध्ये स्थान, पाहा कुणाचा समावेश
IPL 2024 LSG : बहुप्रतिक्षित आयसीसी टी 20 वर्ल्ड कप स्पर्धेचं 1 ते 29 जून दरम्यान आयोजन करण्यात आलं आहे. या स्पर्धेत एकूण 20 संघ भिडणार आहेत. स्पर्धेचं आयोजन हे यूएसए आणि वेस्ट इंडिजमध्ये करण्यात आलं आहे.
क्विंटन डी कॉकचा वर्ल्ड कपसाठी दक्षिण आफ्रिका टीममध्ये समावेश करण्यात आला आहे. कॉकने आयपीएलच्या 17 व्या मोसमातील 9 सामन्यांमध्ये 236 धावा केल्या आहेत.
मार्कस स्टोयनिस टी 20 वर्ल्ड कपमध्ये ऑस्ट्रेलियासाठी खेळताना दिसणार आहे. स्टोयनिसने 17 व्या हंगामात 10 सामन्यांमध्ये 316 धावा केल्या आहेत. तसेच 4 विकेट्सही घेतल्या आहेत.
मॅट हेनरीला न्यूझीलंड संघात टी 20 वर्ल्ड कपसाठी स्थान देण्यात आलं आहे. हॅनरी आयपीएलच्या 17 व्या हंगामात 3 सामन्यांमध्ये 1 विकेट घेतली आहे.
मार्क वूड इंग्लंडसाठी खेळणार आहे. मार्कला आयपीएलच्या 17 व्या मोसमात एका सामन्यातही संधी मिळाली नाही. वूडने आयपीएल कारकीर्दीत 5 सामन्यांमध्ये 11 विकेट्स घेतल्या आहेत.
तसेच नवीन उल हक याचा वर्ल्ड कपसाठी अफगाणिस्तान संघात समावेश करण्यात आला आहे. राशिद खान अफगाणिस्तनाचं नेतृत्व करणार आहे. नवीनने या हंगामात आतापर्यंत 7 विकेट्स घेतल्या आहेत.