टीम इंडियाचा अनुभवी स्पिनर आर अश्विन याने इंग्लंड विरुद्धच्या चौथ्या कसोटी सामन्यात इतिहास रचला आहे. आर अश्विन अशी कामगिरी करणारा पहिला भारतीय ठरला आहे.
आर अश्विनने इंग्लंडला दुसऱ्या डावात पहिले सलग 2 झटके दिले. अश्विनने 2 बॉलमध्ये बेन डकेट आणि ओली पोप या दोघांना झटपट आऊट केलं. ओली पोप याला अश्विनने भोपळाही फोडून दिला नाही.
ओली पोप ही अश्विनची भारतातील 351 वी शिकार ठरली. अश्विनने यासह दिग्गज अनिल कुंबळे यांना मागे टाकलं.
आर अश्विन याने अनिल कुंबळेचा भारतात सर्वाधिक 350 विकेट्सचा विक्रम मोडीत काढला. अश्विनने याआधी पहिल्या डावात 1 विकेट घेतली होती. त्यानंतर आता 2 विकेट्स घेत हा कारनामा केला.
अश्विनने इंग्लंड विरुद्धच्या सुरु मालिकेत आणखी एक कारनामा केला. अश्विनने कसोटी क्रिकेटमध्ये 500 विकेट्स पूर्ण केल्या.
दरम्यान टीम इंडियाकडून आतापर्यंत अश्विन आणि कुंबळे या दोघांव्यतिरिक्त हरभजन सिंह याने 265, कपिल देव यांनी 219 आणि रवींद्र जडेजाने 210 विकेट्स घेतल्या आहेत.