Ranji Trophy 2022: झारखंडने ठोकल्या 880 धावा, एक द्विशतक, 2 शतकं, 11व्या फलंदाजाचं झंझावाती अर्धशतक!
रणजी ट्रॉफीच्या उपांत्यपूर्व फेरीत नागालँडविरुद्ध झारखंडने इतिहास रचला. झारखंडने पहिल्या डावात 880 धावांचा पर्वत उभा केला. रणजी ट्रॉफीच्या इतिहासातील ही त्यांची सर्वोच्च धावसंख्या आहे.
रणजी ट्रॉफीच्या उपांत्यपूर्व फेरीत नागालँडविरुद्ध झारखंडने इतिहास रचला. झारखंडने पहिल्या डावात 880 धावांचा पर्वत उभा केला. रणजी ट्रॉफीच्या इतिहासातील ही त्यांची सर्वोच्च धावसंख्या आहे. (PC-BCCI Videos Screenshot)
मोठी गोष्ट म्हणजे झारखंडच्या 6 फलंदाजांनी 50 किंवा त्याहून अधिक धावांची खेळी केली. झारखंडच्या दोन फलंदाजांनी शतके, एकाने द्विशतक, तर तीन फलंदाजांनी अर्धशतके झळकावली. (PC-BCCI Videos Screenshot)
झारखंडचा यष्टिरक्षक कुमार कुशाग्र याने 266 धावा फटकावल्या. शाहबाज नदीमने 177 धावा केल्या. विराट सिंगने 107 धावांची खेळी खेळली. मोठी गोष्ट म्हणजे 11 व्या क्रमांकाचा फलंदाज राहुल शुक्लानेही 85 धावांची खेळी खेळली. (PC-BCCI Videos Screenshot)
झारखंडच्या अखेरच्या जोडीने 323 चेंडूत 191 धावांची भागीदारी केली. ज्यामध्ये शाहबाज नदीमने 103 आणि राहुल शुक्लाने 85 धावांचे योगदान दिले. (PC-BCCI Videos Screenshot)
रणजी ट्रॉफीच्या इतिहासात झारखंडने चौथ्या क्रमांकाची सर्वोच्च धावसंख्या उभारली आहे. 1993-94 मध्ये हैदराबादने आंध्रविरुद्ध 944 धावा केल्या होत्या, जी रणजी ट्रॉफीमधील सर्वोच्च धावसंख्या आहे. तामिळनाडूने 912/6 आणि मध्य प्रदेशने 912/8 पर्यंत मजल मारली होती. (PC-BCCI Videos Screenshot)
