रिंकु सिंहला ‘ती’ बॅट ठरतंय अनलकी! सोशल मीडियावर रंगली चर्चा
रिंकु सिंहचा फॉर्म सध्या हरवल्याचं दिसत आहे. भारतीय संघात पदार्पण करताच रिंकुने जोरदार सुरुवात केली होती. पण मागच्या काही सामन्यांमध्ये रिंकुची बॅट शांत असल्याचं दिसत आहे. त्यामुळे टीम इंडियातून बाद होण्याची भीती सतावत आहे.पण सोशल मीडियावर वेगळीच चर्चा रंगली आहे.
रिंकु सिंहने आयपीएल 2023 चं पर्व गाजवलं होतं. त्यामुळे त्याची खऱ्या अर्थाने चर्चा रंगली होती. त्यात 2024 मध्ये कोलकात्याने जेतेपद जिंकल्याने त्याचा भाव अधिक वधारला. रिंकु सिंहने टीम इंडियात पदार्पण केलं आणि मागे वळून पाहिलं नाही. आता रिंकु सिंहचा फॉर्म चिंतेचा विषय ठरला आहे.
रिंकु सिंहने मागच्या 7 डावात फक्त 91 धावा केल्या ठआहेत. त्याने 15.16 च्या सरासरीने धावा केल्या आहेत. दक्षिण अफ्रिकेविरुद्धच्या मालिकेतील तीन सामन्यात त्याच्या नावावर फक्त 28 धावा आहेत. त्यामुळे चाहत्यांना त्याची चिंता वाटत आहे.
रिंकु सिंहचा खराब फॉर्म आयपीएल 2024 नंतर सुरु झाला. तेव्हापासून रिंकुच्या नशिबाचे तारेच फिरले असं नेटकऱ्यांचं म्हणणं आहे. ती बॅट रिंकुसाठी अनलकी असल्याची चर्चा सोशल मीडियावर रंगली आहे. रिंकुने आयपीएल दरम्यान विराटकडे बॅट मागितली होती.
रिंकु सिंहने टी20 आंतरराष्ट्रीय क्रिकेटच्या सुरुवातीला 46 च्या सरासरीने आणि 165 च्या स्ट्राईक रेटने फलंदाजी केली. आता त्याचा स्ट्राईक रेट हा 128.16 असून शेवटच्या 7 डावात 15.16 च्या सरासरीने धावा केल्या आहेत.
विराट कोहलीकडून बॅट मिळाल्यानंतर रिंकु सिंगने झिम्बाब्वेविरुद्धच्या मालिकेत 4 सामन्यात 60 च्या सरासरीने 60 धावा केल्या. बांगलादेशविरुद्धच्या मालिकेत 2 सामन्यात 61 धावा केल्या. दक्षिण अफ्रिकेविरुद्धच्या सामन्यात फक्त 28 धावा केल्या आहेत.
रिंकु सिंह सध्या खराब फॉर्मशी झुंजत आहे हे खरं आहे. पण त्याचा बॅटशी काही एक संबंध नाही हे स्पष्ट आहे. त्यामुळे अशा चर्चांना काहीच अर्थ नाही. दक्षिण अफ्रिकेविरुद्धच्या शेवटच्या सामन्यात रिंकु सिंहच्या कामगिरीकडे लक्ष असेल. रिंकु सिंह बॅटने उत्तर देईल की नाही हे पाहणं औत्सुक्याचं ठरणार आहे.