रोहित शर्माच्या नावावर ऑस्ट्रेलिया विरूद्धच्या मालिकेत नकोसा विक्रम, धोनीचा 13 वर्षे जुना रेकॉर्ड मोडीत
बॉर्डर गावस्कर कसोटी मालिकेत ऑस्ट्रेलियाने भारताचा 3-1 ने पराभव केला आहे. दहा वर्षानंतर ऑस्ट्रेलियाने बॉर्डर गावस्कर ट्रॉफी जिंकली आहे. या मालिकेत रोहित शर्माची कामगिरी निराशाजनक राहिली. यासह त्याने एका नकोशा विक्रमाची नोंद केली आहे.
बॉर्डर गावस्कर मालिकेत रोहित शर्माची फलंदाजी पाहून क्रीडाप्रेमींनी संताप व्यक्त केला आहे. तीन सामन्यात त्याने कर्णधारपद भूषवलं. मात्र तिन्ही सामन्यात फलंदाजी काही चालली नाही. दोन सामने गमवण्याची, तर पावसामुळे एक सामना ड्रॉ झाला.
रोहित शर्माची कर्णधार म्हणून ऑस्ट्रेलियातील कामगिरी निराशाजनक राहिली आहे. रोहित शर्माने तीन सामन्यांच्या सहा डावात एकूण 31 धावा केल्या. त्याचा आतापर्यंतची कामगिरी पाहता ही खूपच सुमार फलंदाजी होती. यासह त्याने एक नकोसा विक्रम नावावर नोंदवला आहे.
महेंद्रसिंह धोनीच्या नावावर असलेला नकोसा विक्रम आता आपल्या नावे केला आहे. ऑस्ट्रेलियात धोनीने 2011 मध्ये 24 च्या सरासरीने 96 धावा केल्या होत्या. आता रोहित शर्माने त्याचा हा नकोसा विक्रम मोडीत काढला आहे. ऑस्ट्रेलियात सर्वात कमी धावा करणारा फलंदाज ठरला आहे.
ऑस्ट्रेलियात सर्वात कमी धावा करणारा कर्णधार म्हणून रोहित शर्माला टॉपला आहे. दुसर्‍या स्थानावर महेंद्रसिंह धोनी, तर तिसऱ्या स्थानावर सुनील गावस्कर आहे. चौथ्या स्थानावर लाला अमरनाथ आहे.
रोहित शर्माने 2024-25 मध्ये 6.20 च्या सरासरीने 31 धावा, महेंद्रसिंह धोनीने 2011 मध्ये 24 च्या सरासरीने 96 धावा केल्या. सुनील गावस्कर यांनी 1981 मध्ये 19.66 च्या सरासरीने 118 धावा, तर लाला अमरनाथने 1947 मध्ये 14 च्या सरासरीने 140 धावा केल्या होत्या.
