SA vs SL : वनडे वर्ल्डकप इतिहासातील दक्षिण आफ्रिकेचा मोठा विक्रम, काय केलं ते जाणून घ्या
ODI World Cup 2023, SA vs SL : वनडे वर्ल्डकप 2023 स्पर्धेत आता नवनवे विक्रम रचण्यास सुरुवात झाली आहे. वनडे वर्ल्डकप स्पर्धेच्या चौथ्या सामन्यात याची झलक दक्षिण आफ्रिकेने दाखवून दिली. सर्वात मोठा स्कोअर आणि इतर बऱ्याच विक्रम यात मोडीत निघाले आहेत.
वनडे वर्ल्डकप इतिहासातील सर्वात मोठा स्कोअर दक्षिण आफ्रिकेने केला आहे. 50 षटकात 5 गडी गमवून 428 धावा केल्या आहेत. यापूर्वी हा विक्रम ऑस्ट्रेलियाच्या नावावर होता. 2015 मध्ये ऑस्ट्रेलियाने 50 षटकात 7 गडी गमवून 417 धावा केल्या होत्या. वनडे वर्ल्डकपमध्ये दक्षिण आफ्रिकेने तिसऱ्यांदा 400 पार धावा केल्या आहेत.
दक्षिण आफ्रिकेकडून तीन फलंदाजांनी शतकी खेळी केली. क्विंटन डिकॉकने 100, व्हॅन दर डुसेन 108 आणि एडन मार्करम याने 106 धावा केल्या. वनडे वर्ल्डकप इतिहासात पहिल्यांदाच एका डावात तीन शतकं ठोकली आहेत.
एडन मार्करामने अवघ्या 49 चेंडूत धडाकेबाज शतक झळकावून नवा इतिहास रचला आहे. या सामन्यात 54 चेंडूंचा सामना करणार्‍या मार्करामने 106 धावा केल्या. यापूर्वी हा विक्रम आयर्लंडच्या केविन ओब्रायनच्या नावावर होता. 2011 मध्ये इंग्लंडविरुद्ध केविनने केवळ 50 चेंडूत विश्वविक्रमी शतक झळकावले होते.
दक्षिण आफ्रिकेने आपल्या डावात 45 चौकार आणि 14 षटकार ठोकले. हा देखील एक विक्रम नोंदवला गेला आहे. एकाच डावात षटकार आणि चौकारांची ही पहिलीच वेळ आहे.
दक्षिण आफ्रिका (प्लेइंग इलेव्हन): क्विंटन डी कॉक (विकेटकीपर), टेम्बा बावुमा (कर्णधार), रॅसी व्हॅन डर डुसेन, एडन मार्कराम, हेनरिक क्लासेन, डेव्हिड मिलर, मार्को जॅन्सन, जेराल्ड कोएत्झी, केशव महाराज, लुंगी एनगिडी, कागिसो रबाडा
