मास्टर ब्लास्टर सचिन तेंडुलकर वानखेडे स्टेडियम कायमस्वरुपी राहणार! पूर्णाकृती पुतळ्याचं अनावरण
वानखेडे स्टेडियमवर मास्टर ब्लास्टर सचिन तेंडुलकर याच्या पुतळ्याचं अनावरण करण्यात आलं. भारत श्रीलंका सामन्याच्या पूर्वसंध्येला या कार्यक्रमाचं आयोजन करण्यात आलं होतं. वानखेडेवरील सचिनच्या पुतळ्याची खास पोझ आहे. जाणून घ्या
मास्टर ब्लास्टर सचिन तेंडुलकर याच्या पूर्णाकृती पुतळ्याचं अनावरण करण्यात आलं. मुंबईच्या वानखेडे स्टेडियममध्ये सचिनचा पुतळा लावण्यात आला आहे. बीसीसीआय अधिकारी आणि मुख्यमंत्री एकनाथ शिंदे आणि शरद पवार यांच्या उपस्थितीत हा कार्यक्रम पार पडला.
सचिन तेंडुलकरला क्रीडाप्रेमी क्रिकेटचा देव असं संबोधतात. सचिनने आंतरराष्ट्रीय क्रिकेटमध्ये 200 कसोटी सामने खेळले असून 15 हजार 921 धावा केल्या आहेत. तर वनडे क्रिकेटमध्ये 18,426 धावा केल्या आहेत.
स्टेडियममध्ये आधीपासून तेंडुलकरच्या नावाचा स्टँड आहे. त्याच्या शेजारी पुतळा बसवण्यात आला आहे.स्टेडियममध्ये पुतळा असणारा सचिन हा दुसरा भारतीय क्रिकेटपटू आहे.
फिरकीपटू शेन वॉर्न याला षटकार मारणारी ही पोझ आहे. प्रसिद्ध शिल्पकार प्रमोद काळे यांनी हा पूर्णाकृती पुतळा साकारला आहे.
सचिन तेंडुलकर नोव्हेंबर 2013 मध्ये वेस्ट इंडिज विरुद्ध शेवटची कसोटी खेळला होता. जवळपास 10 वर्षांनी सचिनचा पुतळा त्याच्या होम ग्राउंड वानखेडे स्टेडियमवर स्थापित करण्यात आला आहे.
