ऋतुराज गायकवाडच्या लग्नानंतर सायली संजीवची पोस्ट चर्चेत; फोटो शेअर करत म्हणाली…
Sayali Sanjeev Post on Cricketer Ruturaj Gaikwad Wedding : ऋतुराज गायकवाडने लग्नगाठ बांधताच सायली संजीवची इन्स्टाग्राम पोस्ट चर्चेत; 'त्या' पोस्टमध्ये नेमकं काय?
क्रिकेटपटू ऋतुराज गायकवाड याने लग्नगाठ बांधली. ऋतुराज गायकवाड आणि उत्कर्षा पवार यांचा महाबळेश्वरमध्ये काल विवाहसोहळा पार पडला. या लग्न सोहळ्याचे फोटो ऋतुराजने सोशल मीडियावर शेअर केले आहेत.
ऋतुराज गायकवाडच्या लग्नानंतर अभिनेत्री सायली संजीवने एक फोटो शेअर केला आहे. तिच्या या इन्स्टाग्राम स्टोरीची सध्या चर्चा होतेय.
सायली संजीवने ऋतुराज आणि उत्कर्षा यांचा फोटो इन्स्टाग्रामवर शेअर केलाय."तुमच्या लग्नाची बातमी पाहून खूप आनंद झाला. अभिनंदन...", असं सायली या फोटोवर म्हणाली आहे.
ऋतुराज गायकवाड आणि सायली संजीव यांचं नाव अनेकदा जोडलं गेलं. हे दोघे एकमेकांना डेट करत असल्याचंही बोललं गेलं. मात्र ऋतुराजच्या लग्नाच्या बातमीने या सगळ्या चर्चांना पूर्णविराम मिळाला आहे.
सायलीला अनेकदा माध्यमांमध्ये या नात्याविषयी विचारलं गेलं. तेव्हा आम्ही खूप चांगले मित्र आहोत, असं ती वारंवार सांगत राहिली.