SA vs USA : अमेरिकेविरुद्धच्या सामन्यात क्विंटन नावाचं वादळ घोंगावलं, गोलंदाजांची उडाली त्रेधातिरपीट
टी20 वर्ल्डकप स्पर्धेतील सुपर 8 फेरीतील सामना अमेरिका आणि दक्षिण अफ्रिका यांच्यात होत आहे. या सामन्यात नाणेफेकीचा कौल अमेरिकेच्या बाजूने लागला आणि प्रथम गोलंदाजी घेतली. या सामन्यात दक्षिण अफ्रिकेकडून क्विंटन डी कॉकने वादळी खेळी केली.
टी20 वर्ल्डकप स्पर्धेतील सुपर 8 फेरीत अमेरिका आणि दक्षिण अफ्रिका हे संघ आमनेसामने आले. या सामन्यात नाणेफेकीचा कौल अमेरिकेने जिंकला आणि गोलंदाजीला प्राधान्य दिलं. सुरुवातीला हेन्ड्रीकची विकेट घेण्यात अमेरिकेला यश आलं. पण नंतर क्विंटन डी कॉक नावाचं वादळ घोंघावलं.
क्विंटन डी कॉकने 40 चेंडूत 7 चौकार आणि 5 षटकाराच्या मदतीने 74 धावा केल्या. त्याच्या आक्रमक खेळीनंतर अमेरिकन संघ बॅकफूटवर गेला. हरमनप्रीत सिंगला त्याला बाद करण्यात यश आलं. पण तिथपर्यंत त्याने आपली भूमिका बजावली होती.
क्विंटन डी कॉकने 26 चेंडूत अर्धशतक पूर्ण केलं. यावेळी त्याने 4 षटकार आणि 4 चौकार मारले होते. क्विंटन डीकॉकने टी20 वर्ल्डकप स्पर्धेतील चौथं वेगवान अर्धशतक झळकावलं आहे. याच स्पर्धेत अमेरिकेच्या आरोन जोन्सन कॅनडाविरुद्ध 22 चेंडूत अर्धशतक झळकावलं आहे.
क्विंटन डी कॉक आणि एडन मार्करम यांनी 110 धावांची भागीदारी केली. टी20 वर्ल्डकप स्पर्धेतील दक्षिण अफ्रिकेची पहिली 100 धावांची भागीदारी आहे
क्विंटन डी कॉक टी20 वर्ल्डकप स्पर्धेत दक्षिण अफ्रिकेकडून सर्वाधिक 50हून अधिक धावा करणारा फलंदाज ठरला आहे. क्विंटन डी कॉकने 16 वेळा, रीजा हेंड्रिक्सने 15 वेळा, जे पी ड्युमिनीने 11 वेळा, फाफ डु प्लेसिसने 11 वेळा, तर एबी डीव्हिलियर्सने 10 वेळा 50 हून अधिक धावा केल्या आहेत.
दक्षिण आफ्रिका (प्लेइंग इलेव्हन): क्विंटन डी कॉक (विकेटकीपर), रीझा हेंड्रिक्स, एडन मार्कराम (कर्णधार), हेनरिक क्लासेन, डेव्हिड मिलर, ट्रिस्टन स्टब्स, मार्को जॅनसेन, केशव महाराज, कागिसो रबाडा, ॲनरिक नॉर्टजे, तबरेझ शामसी.