आयपीएलच्या 17 व्या पर्वात कोलकाता नाईट रायडर्सने सनरायझर्से हैदराबादचा 8 गडी राखून पराभव केला. या विजयासह कोलकात्याने तिसऱ्यांदा जेतेपदावर नाव कोरलं. आता अमेरिका वेस्ट इंडिजमध्ये टी20 वर्ल्डकपचा थरार अनुभवता येणार आहे.
महिनाभर टी20 वर्ल्डकप स्पर्धेचा थरार अनुभवता येणार आहे. आयपीएलच्या नियमामुळे क्रिकेटची व्याख्याच बदलली होती. पण आता हे नियम टी20 वर्ल्डकप नसतील याचं भान ठेवणं गरजेचं आहे. चला जाणून घेऊयात कोणते चार नियम नसतील ते..
आयपीएलमध्ये धावांचा वर्षाव होण्याचं सर्वात मोठं कारण म्हणजे इम्पॅक्ट प्लेयर नियम..अगदी मोक्याच्या क्षणी फलंदाज मैदानात उतरून प्रतिस्पर्धी संघाची दाणादाण उडवून द्यायचा. पण हा नियम आंतरराष्ट्रीय टी20 स्पर्धेत लागू नाही. नाणेफेकीनंतर 11 खेळाडूंची यादी द्यावी लागेल.
आयपीएलमध्ये वाइडआणि नो बॉलसाठी डीआरएस घेण्याचा पर्याय होता. पण हा नियम आंतरराष्ट्रीय टी20 क्रिकेटमध्ये लागू नाही. त्यामुळे खेळाडूंना वाइड आणि नो बॉलसाठी डीआरएस घेता येणार नाही.
आयपीएलमध्ये एका षटकात दोन बाउंसर टाकण्याची मुभा होती. पण वर्ल्डकपमध्ये एका षटकात एकच बाउंसर टाकता येणार आहे. दुसरा बाउंसर टाकल्यास नो बॉल किंवा वाइड मानला जाईल.
आयपीएलमध्ये प्रत्येक डावात 2.30 मिनिटांचा दोन वेळा स्ट्रॅटेजिक टाईम आऊट हा नियम होता. या ब्रेकमध्ये संघ सामन्याच्या गरजेनुसार खेळात बदल करण्याचा विचार करू शकतात. पण हा नियम टी20 वर्ल्डकपमध्ये लागू नाही.