IPL 2024 : आयपीएल स्पर्धेत सर्वाधिक धावा करण्याचा विक्रम या चार संघांच्या नावावर
आयपीएल 2024 स्पर्धेच्या सुरुवातीपासून विक्रमांचा पाऊस पडण्यास सुरु झाला आहे. दिवसागणिक विक्रम रचले आणि मोडले जात आहेत. आयपीएल इतिहासात आतापर्यंत चार संघांना 250 पेक्षा जास्त धावा करता आल्या आहेत. चला जाणून घेऊयात या चार संघांबाबत
आयपीएल 2024 स्पर्धेच्या सुरुवातीपासून अनेक विक्रमांची नोंद झाली आहे. अनेक विक्रम धुळीस मिळवले गेले आहेत. तर काही विक्रम नव्याने रचले गेले आहेत. दोन संघांनी याच पर्वात आरसीबीच्या नावावर असलेला सर्वाधिक धावांचा विक्रम मोडीत काढला आहे.
आयपीएल 2013 स्पर्धेत रॉयल चॅलेंजर्स बंगळुरुने सर्वाधिक धावा केल्या होत्या. हा विक्रम काही वर्षे कायम होता. त्यानंतर लखनौ सुपर जायंट्स हा विक्रम मोडेल असं वाटत होतं. 250 धावांचा पल्ला गाठला मात्र आरसीबीचा विक्रम कायम होता.
आयपीएल 2013 मध्ये पुणे वॉरियर्स संघाविरुद्ध आरसीबीच्या फलंदाजांनी दमदार फलंदाजी करत 20 षटकात 5 गडी गमावून 263 धावा केल्या. पण या आयपीएलमध्ये सनरायझर्स हैदराबाद आणि कोलकाता नाईट रायडर्सने हा विक्रम मोडला.
सनरायझर्स हैदराबादने आयपीएल 2024 च्या आठव्या सामन्यात मुंबई इंडियन्सला पराभूत करत विक्रम नोंदवला. प्रथम फलंदाजी करताना सनरायझर्स हैदराबादने 20 षटकात 3 गडी गमावून 277 धावा केल्या. आयपीएलच्या इतिहासातील ही सर्वोच्च धावसंख्या आहे.
आयपीएल स्पर्धेतील 16 व्या सामन्यात दिल्ली कॅपिटल्स विरुद्ध कोलकाता नाईट रायडर्स आमनेसामने आले होते. कोलकात्याच्या फलंदाजांनी अक्षरश: धुडगूस घातला. केकेआरने 20 षटकात 7 गडी गमावून 272 धावा केल्या. यासह आयपीएलमध्ये सर्वाधिक धावा करणारा दुसरा संघ बनला आहे.
आयपीएल 2023 मध्ये लखनौ सुपर जायंट्सने पंजाब किंग्स विरुद्ध 20 षटकात 5 विकेट गमावून 257 धावा केल्या होत्या. यामुळे आयपीएलमध्ये 250 हून अधिक धावा करणारा आरसीबीनंतरचा दुसरा संघ ठरला आहे. आता आरसीबी आणि लखनौचे टॉप-2 स्कोअरचे रेकॉर्ड मोडले गेले आहेत.