WIND vs WENG 1st T20I | Shreyanka Patil हीचं इंग्लंड विरुद्ध पदार्पण
Saika Ishaque and Shreyanaka Patil T20I Debut | वूमन्स इंग्लंड विरुद्धच्या पहिल्या टी 20 सामन्यातून टीम इंडियाकडून 2 युवा खेळाडूंचं पदार्पण झालं आहे. साइका ईशाक आणि श्रेयंका पाटील या दोघींच्या एका नव्या प्रवासाला या निमित्ताने सुरुवात झाली आहे.
वूमन्स टीम इंडियाने इंग्लंड विरुद्ध पहिल्या टी 20 सामन्यात टॉस जिंकला आहे. कॅप्टन हरमनप्रीत कौर हीने पहिले फिल्डिंगचा निर्णय घेतला आहे. या पहिल्या सामन्यात टीम मॅनेजमेंटने 2 खेळाडूंना टी 20 पदार्पणाची संधी दिली आहे.
श्रेयंका पाटील आणि साईका इशाक या दोघींचं टी 20 डेब्यू झालं आहे. बीसीसीआय वूमन्सने सोशल मीडियावरुन याबाबतची माहिती दिली आहे.
कॅप्टन हरमनप्रीत कौर हीने साईका इशाक हीला टीम इंडियाची कॅप दिली. यावेळेस इतर सहकाऱ्यांनी साईकाचं अभिनंदन केलं.
तर सांगलीकर स्मृती मंधाना हीने श्रेयंका पाटील हीला टीम इंडियाची कॅप देऊन टीम इंडियात स्वागत केलं. साईका आणि श्रेयांकासाठी हा अभिमानाचा असा क्षण होता.
श्रेयंका पाटील हीने गेल्या काही स्पर्धांमध्ये सातत्याने धमाकेदार कामगिरी केली आहे. श्रेयंकाने एमर्जिंग आशिया कपमध्ये सर्वाधिक 9 विकेट्स घेतल्या होत्या.