4 4 4 4 4 4 6 6 6 6..! सोलापूरच्या किरण नवगिरेच्या अवघ्या 10 चेंडूत 48 धावा, मुंबई इंडियन्सच्या गोलंदाजांना आली चक्कर
वुमन्स प्रीमियर लीग स्पर्धेत युपी वॉरियर्सने मुंबई इंडियन्सवर 7 गडी राखून विजय मिळवला. या विजयासह स्पर्धेत दोन पराभवानंतर शुभारंभ केला. पहिल्या दोन सामन्यात पराभवाचं तोंड पाहिल्यानंतर युपी वॉरियर्सने कमबॅक केलं आहे. युपी वॉरिकडून सोलापूरच्या किरण नवगिरे हीने वादळी खेळी केली.
मुंबई इंडियन्स आणि युपी वॉरियर्स यांच्यात वुमन्स प्रीमियर लीगचा सहावा सामना झाला. या सामन्यात मुंबई इंडियन्सने 6 गडी गमवून 161 धावा केल्या होत्या. तसेच विजयासाठी 162 धावांचं आव्हान दिलं होतं. युपी वॉरियर्सने हे आव्हान 3 गडी गमवून पूर्ण केलं.
युपी वॉरियर्सकडून सोलापूरच्या किरण नवगिरेने वादळी खेळी केली. मुंबईच्या गोलंदाजांना सळो की पळो करून सोडलं. या स्पर्धेतील वैयक्तिक पहिलं अर्धशतक ठोकलं. तसेच लेडी धोनी हे नाव सार्थकी लावलं.
किरण नवगिरेने 31 चेंडूत 57 धावांची खेळी केली. यात 6 चौकार आणि 4 षटकारांचा समावेश होता. कर्णधार एलिसा हिली हिच्यासोबत तिने पहिल्या विकेटसाठी 94 धावांची भागीदारी केली.
किरण नवगिरे हीने 57 धावांपैकी 48 धावा या चौकार आणि षटकारांच्या मदतीने केल्या. म्हणजेच 10 चेंडूत 48 धावा ठोकल्या. यात 6 चौकार आणि 4 षटकारांचा समावेश आहे.
किरणने रॉयल चॅलेंजर्स बंगळुरुविरुद्ध अवघी 1 धाव केली होती. मात्र त्यावेळेस ती सहाव्या क्रमांकावर उतरली होती. तर दिल्ली कॅपिटल्स विरुद्ध सहाव्या क्रमांकावर उतरून 7 चेंडूत 10 धावा केल्या होत्या.
यूपी वॉरियर्स (प्लेइंग इलेव्हन): एलिसा हिली (विकेटकीपर/कर्णधार), वृंदा दिनेश, ताहलिया मॅकग्रा, ग्रेस हॅरिस, श्वेता सेहरावत, किरण नवगिरे, पूनम खेमनार, दीप्ती शर्मा, सोफी एक्लेस्टोन, अंजली सरवाणी, राजेश्वरी गायकवाड
