WTC 2023 Final Ind vs Aus : वर्ल्ड टेस्ट चॅम्पियनशिपचा अंतिम सामना भारतात कधी आणि कुठे पाहता येणार? वाचा
भारत विरुद्ध ऑस्ट्रेलिया यांच्यात वर्ल्ड टेस्ट चॅम्पियनशिपचा अंतिम सामना रंगणार आहे. दोन वर्षानंतर अंतिम फेरीचा सामना असतो. त्यामुळे जेतेपदावर कोण नावर कोरणार? याची उत्सुकता आहे.
भारत आणि ऑस्ट्रेलिया यांच्यातील बहुप्रतिक्षित आयसीसी वर्ल्ड टेस्ट चॅम्पियनशिपच्या अंतिम सामन्याचे काउंटडाउन सुरू झाले आहे. हा सामना 7 ते 11 जून या कालावधीत होणार असून यासाठी काही तास उरले आहेत. (Photo : ICC Twitter)
दोन्ही संघ आधीच लंडनमधील प्रतिष्ठित केनिंग्टन ओव्हल मैदानावर पोहोचले असून सरावात व्यस्त आहेत. टीम इंडिया नव्या वातावरणाशी जुळवून घेण्याचा प्रयत्न करत आहे.(Photo : ICC Twitter)
143 वर्षांचा इतिहास असलेल्या ओव्हल मैदानावर पहिल्यांदाच जागतिक कसोटी चॅम्पियनशिपचा अंतिम सामना होत आहे. ही खेळपट्टी गोलंदाजांना कशी साथ देईल, हे अद्याप कळलेले नाही.(Photo : ICC Twitter)
टीम इंडिया आयसीसी टेस्ट चॅम्पियनशिप ट्रॉफी जिंकण्यात यशस्वी ठरली तर क्रिकेटच्या इतिहासात अन्य कोणताही संघ करू शकणार नाही असा दुर्मिळ विक्रम नावावर होणार आहे. (Photo : ICC Twitter)
भारताने ऑसीजविरुद्ध कसोटी चॅम्पियनशिप जिंकली तर ते वनडे, टी-२० आणि कसोटी अशा तीन फॉरमॅटमध्ये विश्वचषक जिंकणारा पहिला संघ बनेल. याशिवाय भारतीय संघाने 2013 पासून एकही आयसीसी ट्रॉफी जिंकलेली नाही. त्यामुळे आयसीसी चषकांचा दुष्काळही संपून जाईल. (Photo : ICC Twitter)
आयसीसी वर्ल्ड टेस्ट चॅम्पियनशिपचा अंतिम सामना इंग्लंडमध्ये आहे. त्यामुळे भारताची आणि इंग्लंडच्या वेळेमध्ये फरक आहे. इंग्लंडमध्ये सामना सकाळी 10:30 वाजता सुरू झाल्यास, सामना भारतीय वेळेनुसार दुपारी 3 वाजता सुरू होईल. नाणेफेक दुपारी 2:30 वाजता होणार आहे. (Photo : ICC Twitter)
वर्ल्ड टेस्ट चॅम्पियनशिप फायनलचे थेट प्रक्षेपण स्टार स्पोर्ट्स टेलिव्हिजनवर होणार आहे. डिस्ने प्लस हॉट स्टार मोबाईल ऍप्लिकेशनवर लाईव्ह स्ट्रीमिंग पाहता येईल. डीडी टेलिव्हिजनवरही याचे थेट प्रक्षेपण केले जाईल. (Photo : ICC Twitter)
