WTC Final : दोन वर्ष, सहा मालिका आणि 18 विजय, असा आहे ऑस्ट्रेलियाचा अंतिम फेरीपर्यंतचा प्रवास
तिसऱ्या कसोटीत भारताला पराभूत करत वर्ल्ड टेस्ट चॅम्पियनशिपच्या अंतिम फेरीत ऑस्ट्रेलियाने धडक मारली आहे. दोन वर्षात 6 मालिका आणि 18 विजय मिळवत इथपर्यंत मजल मारली आहे.
इंदौरमधील तिसऱ्या कसोटी सामन्यात ऑस्ट्रेलियाने भारताला 9 गडी राखून पराभूत केलं. या विजयानंतर वर्ल्ड टेस्ट चॅम्पियनशिपच्या अंतिम फेरीतील स्थान निश्चित केलं आहे. आता उर्वरित दोन संघांसाठी भारत आणि श्रीलंकेत चुरस आहे. (PHOTO- ICC)
आयसीसी वर्ल्ड टेस्ट चॅम्पियनशिपच्या गुणतालिकेत ऑस्ट्रेलियाची विजयी टक्केवारी 68.52 टक्के इतकी आहे. तर एकूण 148 गुणांसह अव्वल स्थानी आहे. (PHOTO- ICC)
2021 ते 2023 दरम्यानं दुसऱ्या वर्ल्ड टेस्ट चॅम्पियनशिपसाठी ऑस्ट्रेलियाने एकूण 6 कसोटी मालिका खेळला. या मालिकेतील शेवटचा सामना अजून उरला आहे. 6 मालिकेत आस्ट्रेलियाने आतापर्यंत 18 सामने खेळले. त्यापैकी 11 सामन्यात विजय मिळवला आहे. (PHOTO- ICC)
ऑस्ट्रेलियाने 6 मालिकांपैकी 3 कसोटी मालिका देशात तर 3 कसोटी मालिका विदेशी धरतीवर खेळल्या. यात श्रीलंका, पाकिस्तान आणि भारताचा समावेश आहे. (PHOTO- ICC)
वर्ल्ड टेस्ट चॅम्पियनशिपच्या फेरीत इंग्लंडविरुद्ध 5 सामने खेळले. यात 1 ड्रा आणि 4 मध्ये विजय मिळवला. पाकिस्तान विरुद्ध 3 सामने खेळले. यात 2 ड्रा आणि एकमध्ये विजय मिळवला. श्रीलंकेविरुद्ध दोन सामने खेळले. मालिका 1-1 ने ड्रा झाली. वेस्ट इंडिजविरुद्धचे दोन्ही सामन्यात विजय मिळवला. दक्षिण आफ्रिकेविरुद्धची मालिका 2-0 ने जिंकली. भारताविरुद्धच्या मालिकेत 2-1 अशी स्थिती आहे. (PHOTO- ICC)