Today’s gold,silver rates : लग्नसराईत गुडन्यूज, सोन्याच्या दरात मोठी कपात,चांदीही झाली स्वस्त
ऐन लग्नसराईत मोठी बातमी समोर येत आहे. सोन्याच्या दरात मोठी घसरण झाली आहे, तर दुसरीकडे चांदी देखील स्वस्त झाली आहे. त्यामुळे ग्राहकांना मोठा दिलासा मिळाला आहे.
ऐन लग्नसराईत मोठी बातमी समोर येत आहे. सोन्याच्या दरात मोठी घसरण झाली आहे, तर दुसरीकडे चांदी देखील स्वस्त झाली आहे. त्यामुळे ग्राहकांना मोठा दिलासा मिळाला आहे.
सोन्या-चांदीचे दर सातत्यानं वाढत असल्यामुळे लग्नसराईत खरेदीदाराच्या नाकीनऊ आले आहेत. सोन्याचे दर वाढत असल्यामुळे मागणीत देखील मोठ्या प्रमाणात घट झाली आहे, मात्र आता दिलासादायक बातमी समोर येत आहे. ती म्हणजे सोन्याच्या दरात घसरण पहायला मिळत आहे
महाराष्ट्राची सुवर्ण नगरी म्हणून ओळख असलेल्या जळगावच्या सराफा बाजारात सलग दुसऱ्या दिवशी सोने -चांदीच्या दरात मोठी घसरण झाली आहे. त्यामुळे सराफा बाजारात आज तेजी पहायला मिळत आहे.
सोन्याच्या दरात प्रति तोळ्यामागे 1 हजार 400 रुपयांची तर चांदीच्या दरात प्रति किलोमागे 1 हजार 500 रुपयांची घसरण झाल्याचं पहायला मिळत आहे. सलग दुसर्‍या दिवशी सोनं -चांदी स्वस्त झाली आहे.
सोमवारी सोन्याच्या दरात प्रति तोळा 1 हजार 300 रुपयांची घसरण झाली होती. तर चांदीच्या दरात प्रति किलो मागे 200 रुपयांची घसरण झाली. गेल्या दोन दिवसांमध्ये सोन्याचे दर प्रति तोळ्यामागे 2700 रुपयांनी स्वस्त झाले आहेत.
जळगावातील सराफा बाजारात आज सोन्याचे दर प्रति तोळा 76 हजार 200 रुपये आहेत तर चादींचे भाव प्रति किलो 89 हजार रुपये एवढे आहेत.
ऐन लग्नसराईत सोन्या चांदीचे भाव कमी झाल्याने ग्राहकांना मोठा दिलासा मिळाला आहे, सोन्या-चांदीच्या भावात वाढ सुरू असल्यानं सराफा बाजारात ग्राहकांचा शुकशुकाट पहायला मिळत होता, मात्र आता सुवर्णनगरी ग्राहकांनी गजबजली आहे.