PHOTO | Harmanprit Kaur Birthday | वर्ल्ड कपमध्ये तुफानी 171 धावांची खेळी, षटकारांचा पाऊस, टीम इंडियाच्या रणरागिनीचा 32 वा वाढदिवस
हरमनप्रीत कौरचा (harmanpreet kaur) आज 32 वा वाढदिवस आहे. तिने टीम इंडियासाठी अनेकदा विजयी खेळी साकारली आहे.
वुमन्स टीम इंडियाची कर्णधार हरमनप्रीत कौरचा आज ( 8 मार्च) 32 वा वाढदिवस. हरमनप्रीतने वयाच्या 33 व्या वर्षात पदार्पण केलं आहे. हरमनप्रीतने क्रिकेट विश्वात आपल्या बॅटिंगने अनेक विक्रम प्रस्थापित केले आहेत.
तिने ऑस्ट्रेलिया विरुद्धच्या 2017 मधील वर्ल्ड कप स्पर्धेतील सेमी फायनलमध्ये 171 धावांची विजयी खेळी केली. ती खेळी आजही प्रत्येक क्रिकेट चाहत्याला लक्षात आहे.
यामध्ये तिने 20 चौकार आणि 7 षटकार खेचले होते. या 7 सिक्ससह हरमनप्रीत टीम इंडियाकडून एका डावात सर्वाधिक सिक्स लगावणारी पहिली फलंदाज ठरली.
ऑस्ट्रेलियाचा संघ या सामन्याच्या विजयाचा प्रबळ दावेदार समजला जात होता. टीम इंडियाने प्रथम फलंदाजी करताना 25 ओव्हरमध्ये 3 विकेट्स गमावून 101 धावा केल्या होत्या. मात्र त्यानंतर हरमनप्रीत कौरने कांगारुंच्या गोलंदाजांचा चांगलाच समाचार घेत विजयी खेळी साकारली होती.
हरमनप्रीतने केलेली ही खेळी महिला वर्ल्ड कपमधील बाद फेरीतील सर्वाधिक वैयक्तिक धावसंख्या ठरली. तिच्या दीडशतकाच्या जोरावर टीम इंडियाने निर्धारित 42 षटकांमध्ये 4 विकेट्स गमावून 281 धावा चोपल्या होत्या. तर प्रत्युत्तरात ऑस्ट्रेलिया 245 धावांवर ऑलआऊट झाली.
