नीरज चोप्रा याने वर्ल्ड अॅथलेटिक्स चॅम्पियनशीप फायनल 2023 मध्ये गोल्ड मेडल जिंकलं आहे. वर्ल्ड अॅथलेटिक्स चॅम्पियनशीप फायनल 2023 जिंकत पोराने दिवस रात्र घेतलेल्या मेहनतीचं फळ त्याला मिळालं. सर्वत्र त्याचं मोठ्या प्रमाणात कौतुक होताना दिसत आहे. अशातच टीम इंडियाचा माजी खेळाडू वीरेंद्र सेहवाग यानेही त्याचं कौतुक केलं आहे.
'फेकायचं तर असं फेकायचं की चार लोकं बोलली पाहितजेत की काय फेकतो राव', असं म्हणत वीरेंद्र सेहवाग याने आपल्या शैलीत नीरजचं कौतुक केलं आहे. सेहनवागने यासंदर्भात ट्विट केलं आहे.
नीरजने 2016 मध्ये ज्युनिअर वर्ल्ड चॅम्पियनशीपमध्ये विजय मिळवून ऐतिहासिक कामगिरी केली होती नीरज तेव्हा अॅथलेटिक्समध्ये अशी कामगिरी करणारा पहिलाच भारतीय ठरला होता. आता 7 वर्षांनी नीरजने इतिहासाची पुनरावृत्ती करत सिनिअर लेवलला वर्ल्ड चॅम्पियनशीप जिंकणारा पहिला भारतीय ठरला.
नीरज वर्ल्ड अॅथलेटिक्स चॅम्पियनशीपमध्ये सुवर्ण पदक मिळवणारा पहिलाच भारतीय ठरला आहे. नीरजने दुसऱ्याच प्रयत्नात 88.17 मीटर लांब भाला फेकला आणि अव्वल स्थान पटकावलं.
मी सर्व देशवासियांचे आभार मानतो की तुम्ही सगळे रात्रभर जागे राहिलात आणि मला सपोर्ट केलंत. सर्वांनी वेगवेगळ्या क्षेत्रात मेहनत करा आणि संपूर्ण जगात आपल्या देशाचं नाव करा, असं नीरज चोप्रा गोल्ड मेडल जिंकल्यानंतर म्हणाला.