प्रदेशाध्यक्षांनी खाली पाहिलंच नाही, दादांच्या पायाखालची वाळू कधीच सरकली, सतेज पाटलांचा हल्लाबोल

कोल्हापूर : काँग्रेस नेते आणि राज्याचे गृहराज्यमंत्री सतेज पाटील (Satej Patil) यांनी भाजप प्रदेशाध्यक्ष चंद्रकांत पाटील (Chandrakant Patil) यांच्यावर हल्लाबोल केला आहे. “पदवीधर आणि शिक्षक निवडणुकीसाठी पाचही जिल्ह्यात उत्स्फूर्त वातावरण दिसतंय. महाविकास आघाडीचेच उमेदवार प्रश्न सोडवतील हा मतदारांना विश्वास आहे. दरवेळी 37 टक्क्यांपर्यंत होणारं मतदान यावेळी 70 ते 80 टक्के होईल. चंद्रकांतदादाच्या पायाखालची वाळू सरकली आहे. प्रदेशाध्यक्ष असल्यामुळे त्यांनी खाली पाहिले नाही”, असं सतेज पाटील म्हणाले. ते टीव्ही 9 मराठीशी बोलत होते. (Satej Patil attack on Chandrakant Patil)

पदवीधर आणि शिक्षक निवडणुकीत मतदारांची भूमिका स्पष्ट आहे. भाजप आता नाही हे मतदारांचे ठरलेलं आहे आणि ठरल्याप्रमाणे होणार आहे, असं सतेज पाटील म्हणाले.

सिनेसृष्टी मनाने मुंबई सोडून जाणार नाही

“कितीही रेड कार्पेट टाकलं तरी सिनेसृष्टी (Mumbai Bollywood) मनाने मुंबई सोडून जाणार नाही, केंद्र सरकारने दबाव टाकू नये. मुंबईला बदनाम करण्याचं भाजपचं षडयंत्र आहे. सुशांत सिंग प्रकरणानंतर आता बॉलिवूडला लक्ष केलं जातंय. मुंबईचा आत्मा काढून घेण्याचा हा प्रकार आहे. याला महाराष्ट्र भाजपची मान्यता आहे का?

मागच्या पाच वर्षात काय दिवे लावले याचं उत्तर द्या” असा घणाघात यावेळी सतेज पाटलांनी केला.

सुविधा नसत्या तर 50 ते 60 वर्ष बॉलिवूड इथं राहिलं असतं का? मुंबईचं अस्तित्व हिरावून घेण्याचा प्रयत्न कोणी करू नये, असा इशारा सतेज पाटील यांनी यावेळी दिला.

पुणे पदवीधर आणि शिक्षक निवडणूक

राज्यातील विधानपरिषदेच्या 3 पदवीधर आणि 2 शिक्षक मतदारसंघासाठी आज (1 डिसेंबर) मतदान पार पडत आहे. पुणे, औरंगाबाद, नागपूर या पदवीधर आणि पुणे,अमरावती शिक्षक मतदारसंघासाठी आज मतदान होणार आहे. सकाळी 8 ते सायंकाळी 5 या वेळेत मतदान पार पडेल. तर 3 डिसेंबरला निवडणुकांचे निकाल जाहीर होतील.

?पुण्यात कोणाकोणात सामना?

संग्राम देशमुख (भाजप) vs जयंत आसगावकर (काँग्रेस) vs रुपाली पाटील ठोंबरे (मनसे) vs अभिजीत बिचुकले vs सोमनाथ साळुंखे (वंचित)

?नागपुरातून रिंगणात कोण?

संदीप जोशी (भाजप) vs अभिजित वंजारी (काँग्रेस) vs राहुल वानखेडे (वंचित)

?औरंगाबादमध्ये कोणाकोणात लढत?

शिरीष बोराळकर (भाजप) vs प्रवीण घुगे (भाजप बंडखोर) vs रमेश पोकळे (भाजप बंडखोर) vs नागोराव पांचाळ (वंचित) (Maharashtra Teacher and Graduate Constituency Election 2020 Voting)

(Satej Patil attack on Chandrakant Patil)

संबंधित बातम्या 

Satej Patil | ‘चंद्रकांतदादा, आता संधी गेली..’, सतेज पाटलांचा खोचक टोला