फाजील नेतृत्वामुळे भाजपचा पराभव, मी पुन्हा येईन ही भावना अजून गेली नाही, खडसेंचा हल्लाबोल
भाजपात हम करे सो कायदा होता, म्हणून हा पराभव झाला" असा घणाघात एकनाथ खडसेंनी केला.
जळगाव : “विधानपरिषदेवरील पदवीधर आणि शिक्षक मतदारसंघ निवडणुकीत भाजपचा पराभव हा फाजिल नेतृत्वामुळे झाला. मी पुन्हा येईन, मी पुन्हा येईन, ही भावना अजून गेली नाही” अशा शब्दात राष्ट्रवादीचे नेते एकनाथ खडसे (Eknath Khadse) यांनी विरोधीपक्ष नेते देवेंद्र फडणवीस (Devendra Fadnavis) यांच्यावर हल्लाबोल चढवला. पदवीधर आणि शिक्षक मतदारसंघाच्या पाचपैकी एकाही जागेवर भाजपला वर्चस्व मिळवता आलं नाही. (Eknath Khadse slams Devendra Fadnavis for BJP’s defeat in Graduate and Teachers constituency Election Results)
“अहम्-पणाचा पराभव झाला. मी पुन्हा येईन, मी पुन्हा येईन ही भावना अजून गेली नाही. पुणे आणि नागपूरसारखा परंपरागत मतदारसंघ भाजपच्या हातून गेला. लोकांचा आता भारतीय जनता पार्टीवरील विश्वास कमी होत चालला आहे आणि महाविकास आघाडीवर विश्वास वाढला आहे” अशी प्रतिक्रिया एकनाथ खडसे यांनी ”टीव्ही 9 मराठी’शी बोलताना दिली.
“भाजप प्रदेशाध्यक्ष चंद्रकांतदादा पाटील नेहमी म्हणतात, कोणी बाहेर गेल्यावर फरक पडत नाही, आम्ही हिमालयात जाऊन बसू, यांच्या नुसत्या गप्पा असतात” असं म्हणत खडसेंनी चंद्रकांत पाटलांनाही टोला लगावला.
“महाविकास आघाडीच्या एकीचे हे प्रदर्शन झाले आहे. भाजपचे नेतृत्व कमी झाले आहे. पक्षात हम करे सो कायदा होता, म्हणून हा पराभव झाला” असा घणाघातही खडसेंनी केला.
फडणवीसांची टोलेबाजी
“ज्या पक्षाचा मुख्यमंत्री आहे, त्यांची एकही जागा निवडून आली नाही. काँग्रेस आणि राष्ट्रवादी या दोन पक्षांना फायदा झाला आहे. या निकालांनंतर जसं आम्ही आत्मचिंतन केलं पाहिजे, तसंच ज्यांचा मुख्यमंत्री आहे, त्यांची एकही जागा येत नाही, त्यामुळे त्यांनीही आत्मचिंतन करावं” असा टोला विरोधीपक्ष नेते देवेंद्र फडणवीस यांनी शिवसेनेला लगावला.
आम्ही एक तरी जिंकलो, पण ज्यांचा मुख्यमंत्री आहे, त्यांची एकही जागा नाही : देवेंद्र फडणवीस#GraduateConstituency #GraduateConstituency2020 #NagpurGraduatesConstituency https://t.co/lWhvW4KThJ
— TV9 Marathi (@TV9Marathi) December 4, 2020
महत्त्वाचे निकाल
पुणे पदवीधर – अरुण लाड (राष्ट्रवादी) – विजयी
पुणे शिक्षक – जयंत आसगावकर (काँग्रेस) – आघाडीवर
नागपूर पदवीधर – अभिजीत वंजारी (काँग्रेस) – आघाडीवर
औरंगाबाद पदवीधर – सतीश चव्हाण (राष्ट्रवादी) – विजयी
अमरावती शिक्षक – किरण सरनाईक (अपक्ष) – आघाडीवर
धुळे नंदुरबार स्थानिक स्वराज्य – अमरिश पटेल (भाजप) – विजयी
संबंधित बातम्या :
भाजप बेसावध, ससा-कासवाच्या गोष्टीप्रमाणे पदवीधरमध्ये जिंकून येण्याचा आभास : मुनगंटीवार
(Eknath Khadse slams Devendra Fadnavis for BJP’s defeat in Graduate and Teachers constituency Election Results)
