KDMC Election 2022, Ward (3) : प्रभाग क्रमांक तीनचा गड शिवसेना पुन्हा राखणार का?

कल्याण : राज्यातील अनेक प्रमुख शहारांतील महापालिकांच्या निवडणुका (election 2022) जाहीर झाल्या आहेत. निवडणुकांसाठी आरक्षण सोडत देखील जाहीर झाली आहे. यामध्ये मुंबई (Mumbai), ठाणे, पुणे, पिंपरी चिंचवड, औरंगाबाद अशा अनेक महत्त्वाच्या महापालिकांचा समावेश आहे.कल्याण, डोंबिवली महापालिकेचा (KDMC Election) देखील यामध्ये समावेश आहे. गेल्यावेळी वार्ड क्रमांक तीनमधून शिवसेनेच्या शालिनी सुनील वायले या विजयी झाल्या होत्या. मात्र यंदा परिस्थिती सर्वच पक्षांसाठी आव्हानात्मक असणार आहे.कारण यंदा प्रभाग रचनेमध्ये बदल करण्यात आला आहे. त्यामुळे बदललेल्या मतांच्या गणितासोबत सर्वच पक्षांना जुळून घ्यावे लागणार आहे.शिवसेनेमध्ये पडलेली फूट पहाता कल्याण, डोंबिवली महापालिकेत सत्ता प्राप्त करणं हे उद्धव ठाकरे आणि शिवसेनेसमोरील मोठे आव्हान असणार आहे, तर दुसरीकडे भाजपासाठी मात्र अनुकूल परिस्थिती दिसून येत आहे. जर महापालिका निवडणुकीसाठी भाजपा आणि शिंदे गटात युती झाली तर या महापालिकेत भाजपाचा विजय निश्चित माण्यात येत आहे.

प्रभाग क्रमांक 3 मधील महत्त्वाचे भाग

प्रभाग क्रमांक तीनमध्ये रतन रिवीएरा, ओशोधारा, गोदरेज रिव्हर साईड, शनीमंदिर बारावे, श्रीनाथजी टॉवर, झुलेलाल चौक, रोझाली, गोदरेज हिल, खडकपाडा पोलीस स्टेशन, ट्री हाऊस स्कुल, बारावे गाव, गोदरेज पार्क, निरज सिटी, शिवपाडा, टावरीपाडा या प्रमुख भागांचा समावेश होतो.

प्रभाग क्रमांक 3 मध्ये लोकसंख्या किती?

प्रभाग क्रमांक तीनची एकूण लोकसंख्या ही 29024 इतकी आहे. त्यापैकी अनुसूचित जातीची लोकसंख्या ही 2980 तर अनुसूचित जमातीची लोकसंख्या 745 एवढी आहे.

2015 मधील चित्र काय?

गेल्यावेळी वार्ड क्रमांक तीनमध्ये शिवसेनेने बाजी मारली होती. 2015 मध्ये झालेल्या महापालिका निवडणुकीत प्रभाग क्रमांक तीनमधून शिवसेनेच्या उमेदवार शालिनी सुनील वायले या विजयी झाल्या होत्या. मात्र यंदा प्रभाग रचना बदलली आहे, तसेच शिवसेनेत फूट पडल्याने हा प्रभाग पुन्हा एकदा राखणं शिवसेनेसाठी सोपं काम नसणार आहे.या वार्डमधून यंदा कोण बाजी मारणार याकडे अवघ्या कल्याण शहराचे लक्ष लागले आहे.

यंदा प्रभागातील आरक्षण कसे?

महापालिका निवडणूक 2022 च्या सोडतीनुसार कल्याण, डोबिंवली महापालिकेचा प्रभाग क्रमांक तीन अ हा सर्वसाधारण महिला, प्रभाग क्रमांक तीन ब हा देखील सर्वसाधारण महिलेसाठी आरक्षीत आहे, तर प्रभाग क्रमांक तीन क हा अनारक्षित आहे.

केडीएमसी महानगरपालिका निवडणूक 2022 प्रभाग क्रमांक 3 अ

केडीएमसी महानगरपालिका निवडणूक 2022 प्रभाग क्रमांक 3 ब

केडीएमसी महानगरपालिका निवडणूक 2022 प्रभाग क्रमांक 3 क

यंदा कोण बाजी मारणार?

2015 साली झालेल्या निवडणुकीच्या आकडेवारीवर नजर टाकल्यास गेल्यावेळी कल्याण, डोंबिवली महापालिकेतील एकूण 52 जागा जिंकत शिवसेनेने बाजी मारली होती. शिवसेनेनंतर भाजपाने 42 तर मनसेने 9 जागांवर विजय मिळवला होता. मात्र यंदा परिस्थिती वेगळी आहे. एकनाथ शिंदे यांनी बंड केल्याने त्याचा मोठा फटका या महापालिकेत शिवसेनेला बसण्याची शक्यता आहे. तर दुसरीकडे मात्र राज्यात पुन्हा एकदा भाजपाचे सरकार आल्याने भाजपासाठी परिस्थिती अनुकूल बनली आहे. जर कल्याण डोंबिवली महापालिकेत शिंदे गट आणि भाजपामध्ये युती झाल्यास शिवसेने समोरील अडचणी आणखी वाढणार आहेत.