Manipur Exit Poll Result 2022 : मणिपूरमध्ये भाजपचाच बोलबाला, काँग्रेसला एक आकडी संख्येवरच अडकणार!
मणिपूरमध्ये पुन्हा एकदा भाजप सत्ता स्थापन करेल असा अंदाज एक्झिट पोलमधून वर्तवण्यात आलाय. तर काँग्रेस अवघ्या एक आकडी संख्येवर अडकून पडेल, असं एक्झिटपोलमधून सांगण्यात येत आहे.
मुंबई : उत्तर प्रदेश विधानसभा निवडणुकीच्या (UP Election 2022) शेवटच्या टप्प्यातील मतदान आज पार पडलं. त्यानंतर संध्याकाळी 5 राज्यांचे एक्झिट पोल (Exit Poll) समोर आले आहेत. त्यात मणिपूरमध्ये (Manipur) पुन्हा एकदा भाजपचाच बोलबाला पाहायला मिळतोय. मणिपूरमध्ये पुन्हा एकदा भाजप सत्ता स्थापन करेल असा अंदाज एक्झिट पोलमधून वर्तवण्यात आलाय. तर काँग्रेस अवघ्या एक आकडी संख्येवर अडकून पडेल, असं एक्झिटपोलमधून सांगण्यात येत आहे. मणिपूरमध्ये विधानसभेच्या एकूण 60 जागा आहेत. या जागांसाठी दोन टप्प्यात 28 फेब्रुवारी आणि 5 मार्च रोजी मतदान पार पडलं.
मणिपूरमध्ये कोणत्या एक्झिट पोलचा अंदाज काय?
झी न्यूज – डिझाईन बॉक्स्ड :
काँग्रेस आघाडी – 12 ते 17
भाजप – 32 ते 38
एनपीएफ – 3 ते 5
अन्य – 4 ते 5
पी मार्क :
काँग्रेस आघाडी – 31
भाजप – 17
एनपीएफ – 3 ते 5
अन्य – 12
इंडिया न्यूज – जन की बात :
काँग्रेस आघाडी – 10 ते 14
भाजप – 23 ते 28
एनपीएफ – 5 ते 8
अन्य – 8 ते 14
डेमोक्ररी टाईम्स नेटवर्क :
काँग्रेस आघाडी – 15
भाजप – 32
एनपीएफ – 4
अन्य – 9
एबीपी – सी वोटर :
काँग्रेस आघाडी – 12 ते 16
भाजप – 23 ते 27
एनपीएफ – 3 ते 7
अन्य – 12 ते 20
इंडिया टुडे – एक्सिस माय इंडिया :
काँग्रेस आघाडी – 4 ते 8
भाजप – 33 ते 43
एनपीएफ – 0
अन्य – 10 ते 23
पंजाबमध्ये काँग्रेसला मोठा झटका बसणार?
एक्झिटपोलनुसार पंजाबमध्ये आम आदमी पार्टीला 56-61 जागा मिळताना दिसत आहे. पंजाबमध्ये आम आदमी पार्टी सर्वात मोठा पक्ष म्हणून उदयास येत असल्याचं स्पष्ट होत आहे. त्यामुळे पंजाबच्या मुख्यमंत्रीपदाची माळ भगवंत मान यांच्या गळ्यात पडण्याची चिन्हे दिसत आहेत. एक्झिट पोलच्या आकड्यानुसार पंजाबच्या सत्तेचं गणित बदलल्यास आपच्या हाती दिल्लीपाठोपाठ पंजाब सारखं महत्त्वाचं राज्य येण्याची शक्यता आहे. तर, पंजाबमध्ये काँग्रेस दुसऱ्या आणि भाजप तिसऱ्या स्थानावर जाणार असल्याचं चित्रं आहे. त्यातही भाजपला केवळ एक ते सहाच जागा मिळण्याचा अंदाज वर्तवण्यात येत आहे.
इतर बातम्या :