BMC Election 2022 Amboli Ward 65 : आंबोली वार्ड क्रमांक 65 मध्ये विद्यमान नगरसेवकासमोर मोठं आव्हान! वार्ड खुला झाल्यानं इच्छुकांची संख्या वाढणार

बीएमसी वार्ड क्रमांक 65 आंबोली

Image Credit source: TV9

मुंबई : राज्यात महापालिका निवडणुकीच्या (Municipal Election) पार्श्वभूमीवर जोरदार राजकारण पाहायला मिळत आहे. महापालिका निवडणुकीची आरक्षण सोडत नुकतीच जाहीर झाली आहे. त्यात अनेकांचे वार्ड आरक्षित झाले आहेत तर अनेक नगरसेवकांचे वार्ड सुरक्षित राहिल्यानं त्यांनी सुटकेचा निश्वास सोडलाय. तर वार्डाची आरक्षण (Ward Reservation) सोडत जाहीर झाल्यापासून विद्यमान नगरसेवकांसह (Corporators) इच्छुकांचीही धावपळ पाहायला मिळत आहे. के वेस्ट वार्ड क्रमांक 65 मधून 2017 च्या निवडणुकीत काँग्रेसच्या अल्पा अशोक जाधव या विजयी झाल्या होत्या. त्यावेळी हा वार्ड ओबीसी महिलेसाठी आरक्षित होता. मात्र, ओबीसी आरक्षणाशिवाय महापालिका आरक्षण सोडत जाहीर करण्यात आल्यामुळे हा वार्ड खुला झाला आहे. त्यामुळे काँग्रेसच्या अल्पा अशोक जाधव यांच्यासमोर नवं आव्हान उभं राहण्याची शक्यता आहे.

2017 च्या निवडणुकीत काय घडलं?

2017 च्या महापालिका निवडणुकीत सर्वच राजकीय पक्षांनी स्वबळावर निवडणूक लढली होती. शिवसेना, भाजप, काँग्रेस, राष्ट्रवादी या प्रमुख पक्षांसह मनसे आणि अन्य पक्षही निवडणुकीच्या रिंगणात उतरले होते. त्यामुळे 2017 ची महापालिका निवडणूक अधिक रंगतदार झाली होती. त्या निवडणुकीत वार्ड क्रमांक 65 मधून काँग्रेसच्या अल्पा अशोक जाधव विजयी झाल्या होत्या.

कुणाला पराभव स्वीकारावा लागला?

काँग्रेस नगरसेविका अल्पा अशोक जाधव यांनी 2017 च्या निवडणुकीत मोठा विजय मिळवला होता. त्यांनी शिवसेनेच्या आयरे नूतन प्रसाद, भाजपच्या माया संतोष राजपूत, एमआयएमच्या अल्मास कुरेशी, मनसेच्या अवंतिका विलास राऊत यांचा पराभव केला होता.

वार्ड क्रमांक 65 ची सीमा काय?

वार्ड क्रमांक 65 च्या उत्तरेला वार्ड क्रमांक 64 (सिझर रोड), पूर्वेला वार्ड क्रमांक 77 (वेस्टर्न रेल्वे लाईन), दक्षिणेला वार्ड क्रमांक 66 (जे.पी. रोड, विठ्ठल भाई पटेल रोड), तर पश्चिमेला वार्ड क्रमांक 67 (दादाभाई नगर रोड, वीरा देसाई रोड) आहे.

वार्डाची लोकसंख्या किती ?

वार्ड क्रमांक 65 ची एकूण लोकसंख्या 54 हजार 281 इतकी आहे. त्यात अनुसूचित जातीची लोकसंख्या 1 हजार 424, तर अनुसूचित जमातीची लोकसंख्या 173 इतकी आहे.

महापालिका निवडणूक निकाल 2017 पक्षनिहाय (bmc election result 2017 winner)

कोणत्या उमेदवाराला किती मतं?

आयरे नूतन प्रसाद – शिवसेना – 5833
अगवान बिदुल कादर – भाकप (मार्क्सवादी) – 406
अल्पा अशोक जाधव – काँग्रेस – 7820
अल्मास कुरेशी – एमआयएम – 1178
माया संतोषसिंग राजपूत – भाजप – 6515
अवंतिका विलास राऊत – मनसे – 589

वॉर्ड आरक्षित की खुला?

महापालिका प्रशासनाने 2022च्या पालिका निवडणुकीसाठी आरक्षण सोडत नुकतीच जाहीर केलीय. 2017 च्या निवडणुकीत हा वार्ड ओबीसी महिलासाठी राखीव होता. मात्र, आताची सोडत ओबीसी आरक्षणाशिवाय काढण्यात आली आहे. त्यामुळे हा वार्ड या निवडणूक खुला झाला आहे. त्यामुळे अल्पा अशोक जाधव यांच्यासमोर नवं आव्हान उभं राहण्याची शक्यता आहे.