BMC Election 2022 Tata Nagar Ward 140: टाटा नगरातील नगरसेवक पद राष्ट्रवादीकडे, आगामी निवडणूक कोण जिंकणार?

Image Credit source: tv9 marathi

बईः मुंबई महानगर पालिका निवडणुकांचा (Municipal Corporation Elections 2022) बिगुल वाजला असून येत्या सप्टेंबर महिन्यात मतदान हण्याची शक्यता वर्तवण्यात येत आहे. मागील सहा महिन्यांपासूनच निवडणुकीच्या पार्श्वभूमीवर भाजप आणि शिवसेनेमध्ये (Shiv Sena) चांगलंच द्वंद्व रंगलं आहे. आरोप-प्रत्यारोपांच्या फैरी झडत आहेत. यंदा राज्यात महाविकास आघाडीचं (Mahavikas Aghadi) सरकार असल्यानं मुंबई महापालिकेच्या आखाड्यात शिवसेना, राष्ट्रवादी आणि काँग्रेस एकत्रित लढणार की स्वतंत्रपणे लढणार, हे काही दिवसातच कळेल. मागील मनपा निवडणुकीत 2017 मध्ये सर्वच पक्षांनी स्वतंत्र लढाई केली होती. पण यंदाचे चित्र काही वेगळे असेल, असे अंदाज आहेत. राज्यातील मविआनुसार, महापालिकेच्या आखाड्यातील समीकरणही बदलू शकतात. त्यामुळे 2022 मधील राज्यातील सर्वच मनपा निवडणुकांचे सामने अत्यंत रंगतदार होतील. मुंबई महापालिकेतील वॉर्ड क्रमांक 140 चे चित्र पाहिल्यास मागील निवडणुकीत येथे राष्ट्रवादी काँग्रेसच्या उमेदवारानं बाजी मारली होती. निवडणुकीत नादिया मोहसीन शेख यांना नगरसेवक पद मिळालं होतं. यंदा हे पद कुणाला मिळतंय, याकडे सर्वांचं लक्ष लागलं आहे.

मागील निवडणूक कशी?

महापालिकेच्या वॉर्ड क्रमांक 140 मध्ये मागील वर्षी राष्ट्रवादी काँग्रेस, भारिप बहुजन महासंघ, शिवसेना, समाजवादी पार्टी या प्रबळ पक्षांसोबतच काही अपक्षांनीही चांगलीच ताकद पणाला लावलेली दिसून आली. या चारही उमेदवारांमध्ये 2017मध्ये काँटे की टक्कर पहायला मिळाली. अखेरच्या क्षणी राष्ट्रवादी काँग्रेसच्या नादिया मोहसीन शेख यांनी आघाडी घेतली आणि नगरसेवक पदाची माळ आपल्या गळ्यात घालून घेतली.

2017 मधील मताधिक्य कसे?

• नादिया मोहसीन शेख- राष्ट्रवादी- 4673
• सुरेखा शंकर धायगुडे- भारिप बहुजन महासंघ- 3848
• रंजना शहाजी नरवडे- शिवसेना-3269
• वैशाली शशिकांत पाटील- अपक्ष- 3223
• आयशा शेख- समाजवादी पार्टी- 3277
• भारती संजय खरे- मनसे- 1055
• एकूण मतदार- 41,379
• वैध मते- 21,681

वॉर्डाची लोकसंख्या किती?

•  एकूण लोकसंख्या- 54713
• अनुसूचित जाती- 4800
•  अनुसूचित जमाती- 1165

वॉर्डमधील महत्त्वाचा भाग कोणता?

वॉर्ड क्रमांक 140 मध्ये गोवंडी भागातील गौतम नगर, न्यू गौतम नगर, निमोनी नगर, टाटा नगर, देओनार स्लॉटर हाऊस आदी परिसराचा समावेश होतो.

वॉर्ड आरक्षित की खुला?

2022मधील महापालिका निवडणुकीची आरक्षण सोडत जाहीर झाली असून यंदा 140 क्रमांकाचा वॉर्ड खुल्या प्रवर्गात निश्चित झाला आहे.