BMC Election 2022 Wadarpada Ward 28 : काँग्रेसला पुन्हा सरप्राईज मिळणार की? वॉर्ड नंबर 28 मध्ये राजपती यादव यांचा मार्ग कठीण?
हा वॉर्ड आणि BMC मधील काँग्रेस नगरसेवक राजपती यादव (RAJPATI YADAV) यांचे पद गेल्यावेळी रद्द केल्यानंतर न्यायालयाने शिवसेनेचे एकनाथ हुंदरे यांना प्रभाग क्रमांक 28 चे नगरसेवक म्हणून घोषित केले. यानंतर शिवसेनेच्या नगरसेवकांची संख्या वाढली होती.
मुंबई : मुंबई महापालिकच्या निवडणुकीने (BMC Election 2022) सध्या सर्वत्र धुमाकूळ घातला आहे. मुंबईच्या कांदिवलीतील वडारपाड्यातील वॉर्ड क्रामांक 28 हा (Wadarpada Ward 28) कायम सरप्राईजिंग राहिला आहे. कारण या ठिकाणी निवडणूक आलेल्या नगरसेवकाला आपलं पद गमवावं लागलं होतं. त्यामुळे काँग्रेसचं पारडं या ठिकाणी रिकामच राहिलं होतं. हा वॉर्ड आणि BMC मधील काँग्रेस नगरसेवक राजपती यादव (RAJPATI YADAV) यांचे पद गेल्यावेळी रद्द केल्यानंतर न्यायालयाने शिवसेनेचे एकनाथ हुंदरे यांना प्रभाग क्रमांक 28 चे नगरसेवक म्हणून घोषित केले. यानंतर शिवसेनेच्या नगरसेवकांची संख्या वाढली होती. 5 एप्रिल 2019 रोजी जात तपासणी समितीने बनावट प्रमाणपत्रामुळे राजपती यादव यांचे नगरसेवक पद रद्द केले. त्यामुळे काँग्रेसला हा गड काबीज करूनणही मोठा दणका बसला होता.
निवडणुकीत काँग्रेसला 8 हजारांपेक्षाही जास्त मतं
राजपती यादव – काँग्रेस- 8241
एकनाथ हुंडारे – शिवसेना- 4608
किरण साळुंके – भाजप – 4572
बाळकृष्ण पालकर- मनसे – 923
| पक्ष | उमेदवार (Candidate) | विजयी/आघाडी (Win/Lead) |
|---|---|---|
| शिवसेना | निधी प्रमोद शिंदे | 4,485 मतं |
| भाजप | रुक्मिणी विठ्ठल खरटमोल | 3,256 मतं |
| काँग्रेस | उषा अनिल कांबळे | 1,333 मतं |
| राष्ट्रवादी | रेशा मधुकर शिससाट | 1,716 मतं |
| मनसे | शोभा अशोक शानभाग | 1,009 मतं |
| अपक्ष/ इतर |
जात प्रमाणपत्रामुळे दणका
अशी मतं गेल्या निवडणुकीत उमेदरांना मिळाली होती. त्यामुळे या निवडणुकीकडे सर्वाचेच लक्ष लागलेलं. 21 फेब्रुवारी 2017 रोजी बीएमसीच्या निवडणुका झाल्या. काँग्रेसचे उमेदवार राजपती यादव यांना 8200 तर शिवसेनेचे उमेदवार एकनाथ उर्फ शंकर हुंदरे यांना 4608 मते मिळाली. निवडणूक निर्णय अधिकाऱ्यांनी राजपती यादव यांना विजयी घोषित केले, मात्र हुंदरे यांनी राजपती यादव यांच्या बनावट प्रमाणपत्राची तक्रार जात चौकशी समितीकडे केली असता न्यायालयाने राजपती यादव यांचे ओबीसी जात प्रमाणपत्र बनावट असल्याचे आढळले. कनिष्ठ न्यायालयाच्या आदेशाला राजपती यादव यांनी उच्च न्यायालयात आणि नंतर सर्वोच्च न्यायालयात आव्हान दिले, पण तेथूनही त्यांच्या पदरी निराशाच पडली.
दुसऱ्या वॉर्डमध्येही असाच प्रकार घडलेला
यावेळी स्मॉल कॉज कोर्टाने एकनाथ उर्फ शंकर हुंदरे याला विजयी घोषित केले. या संदर्भात 76/2017 च्या निवडणूक याचिकेवर न्यायाधीश महाले यांनी सुनावणी घेतली. याआधीही मुंबई महापालिकेच्या प्रभाग क्रमांक 76 मधील भाजपच्या नगरसेविका केशरबेन मुरजी पटेल यांच्या जागी काँग्रेसचे नितीन बंडोपंत सलागरे यांची स्मॉल कॉज कोर्टाने नवीन नगरसेवक म्हणून घोषणा केली होती.