NMC election 2022 : वाढवलेल्या प्रभाग क्रमांक 50मध्ये कुणाचं वर्चस्व राहणार? नागपूर महापालिकेतल्या राजकीय पक्षांत रस्सीखेच

नागपूर महापालिका, वॉर्ड 50

Image Credit source: tv9

नागपूर : नागपूर महापालिका (NMC election 2022) यावेळी कोणाची होणार, हा प्रश्न सध्या नागपूर राजकीय विश्वात चर्चिला जात आहे. मागील वेळी भाजपाने याठिकाणी सत्ता स्थापन केली होती. यावेळी राजकीय गणिते बदलली आहेत. राज्यस्तरावर शिवसेनेत पडलेली फूट स्थानिक पातळीवर परिणाम करेल का, शिवसेनेची सध्या काँग्रेस-राष्ट्रवादीसोबत (Congress NCP) आघाडी आहे. ती आघाडी महापालिकेलाही होणार का, प्रत्येक पक्ष स्वतंत्र लढणार का, अशा विविध प्रश्नांची उत्तरे लवकरच मिळणार आहेत. तर या सर्वांचा भाजपावर (Nagpur BJP) किती परिणाम होतो, हे निकालानंतर समजणार आहे. मागील वेळी चार सदस्यीय प्रभाग रचना होती. यावेळी ती तीन सदस्यीय करण्यात आली आहे. तर 151 जागांसाठी 52 प्रभागांत मतदान होणार आहे. मागील वेळी 38 प्रभाग होते. ते यावेळी 52पर्यंत वाढवण्यात आले आहेत.

प्रभागातील व्याप्ती कशी?

प्रभाग 50ची इंद्रनगर, स्वागतनगर, श्रीमहालक्ष्मी नगर, साईनगर, नरसाळा, न्यू नरसाळा, गणेशधाम, हुडकेश्वर, चंद्रकिरणनगर, संतोषीनगर, दुबेनगर, सरस्वतीनगर, इंगोलेनगर, श्यामनगर, पिपळा फाटा, संभाजीनगर, सुदर्शननगर, सावरबांधे लेआऊट, निळकंठनगर अशी व्याप्ती आहे. तर विठ्ठल नगर, मदन रतन कॉम्प्लेक्स, लालजी दुबे कॅटरर्स, साईराम किराणा स्टोअर्स, धार्मिक हार्डवेअर, कॅलिबर्स किड्स शाळा, जयराम टेलिकॉम आणि किराणा स्टोअर्स आदी ठिकाणे आणि सीमा आहेत.

लोकसंख्येचे गणित

प्रभाग क्रमांक 50मधील एकूण लोकसंख्या 45,581 आहे. यात अनुसूचित जातीची एकूण संख्या 5687 असून अनुसूचित जमातीची एकूण लोकसंख्या 3266 इतकी आहे. 2011नंतर जनगणना झालेली नाही. कोविडकाळामुळे जनगणना अद्यापही झालेली नाही. ती पुढे ढकलण्यात आली. त्यामुळे आधीच्याच लोकसंख्येत वाढलेली संख्या गृहीत धरण्यात आलेली आहे.

कोण मारणार बाजी?

मागील वेळी 38 प्रभाग होते. यावेळी 52 प्रभाग असणार आहेत. त्यामुळे वाढलेल्या प्रभागात कोणता पक्ष बाजी मारतो, याती उत्सुकता आहे. सध्या प्रभागांची संख्या 52 पर्यंत वाढवण्यात आली असून तीन सदस्यीय प्रभागांना समोर ठेवून प्रशासनाने तयारी पूर्ण केली. मात्र आता हे प्रभाग परत चार सदस्यीय होणार की आहे त्याच पद्धतीने निवडणुका घेतल्या जाणार, हेदेखील लवकरच समजणार आहे.

प्रभाग क्र. 50 (A)

प्रभाग क्र. 50 (B)

प्रभाग क्र. 50 (C)

आरक्षण कसे?

प्रभागाचे आरक्षण यावेळी बदलेले आहे. तर प्रभाग क्रमांक 50 हा नव्याने तयार करण्यात आला आहे. यानुसार 49 अ हा सर्वसाधारण महिला उमेदवारासाठी राखीव असणार आहे. तर ब आणि क हा सर्वसाधारण उमेदवारासाठी यावेळी राखीव ठेवण्यात आलेला आहे.