Nashik NMC Election 2022 Ward 24 : नाशिक महापालिकेवर यंदा कुणाचा झेंडा फडकणार? प्रभाग क्रमांक 24 मधील स्थिती काय?

नाशिक : राज्यात सध्या महापालिका निवडणुकीचे (Municipal Elections) वारे वाहू लागले आहेत. महाविकास आघाडी सरकार सत्तेतून पायउतार झाल्यानंतर आता शिंदे आणि फडणवीसांच्या नेतृत्वातील सरकार (Shinde Fadnavis Government) सत्तेत आलंय. त्यामुळे प्रभाग रचनेतील बदलासह अनेक महत्वाचे निर्णय बदलण्यात आले आहेत. या सगळ्या बदलाचा परिणाम आगामी महापालिका निवडणुकीवर पाहायला मिळू शकतो. अशावेळी नाशिक महापालिका निवडणुकीकडे (Nashik Municipal Corporation Election) सर्वच राजकीय पक्षांचं आणि नेत्यांचं लक्ष लागून राहिलं आहे. सध्या भाजप, राष्ट्रवादी, काँग्रेस, शिवसेना आणि मनसेनंही नाशिक महापालिका निवडणुकीवर लक्ष केंद्रीत केलं आहे. अशावेळी प्रभाग क्रमांक 24 मध्ये कोणता पक्ष कुणाला उमेदवारी देणार आणि कोणत्या पक्षाचा उमेदवार विजयी होणार हे पाहणं महत्वाचं ठरणार आहे.

नाशिक महापालिका क्षेत्रातील एकूण लोकसंख्या :

2011 च्या जनगणनेनुसार नाशिक महापालिका क्षेत्रातील एकूण लोकसंख्या 14 लाख 86 हजार 53 इतकी आहे. त्यात अनुसूचित जातीची लोकसंख्या 2 लाख 14 हजार 620 आहे. तर अनुसूचित जमातीची लोकसंख्या 1 लाख 7 हजार 456 इतकी आहे.

प्रभाग क्रमांक 24 ची लोकसंख्या :

नाशिक महापालिकेतील प्रभाग क्रमांक 24 ची एकूण लोकसंख्या 33 हजार 999 इतकी आहे. त्यात अनुसूचित जातीची लोकसंख्या 7 हजार 713 तर अनुसूचित जमातीची लोकसंख्या 1 हजार 599 इतकी आहे.

प्रभाग क्रमांक 24 चे आरक्षण (आधीच्या सोडतीनुसार) :

महाविकास आघाडी सरकारने त्रिसदस्यीय प्रभाग रचना केल्यानंतर वार्ड क्रमांक 24 मधील आरक्षण पुढील प्रमाणे होते. प्रभाग क्र. 24 (अ) अनुसूचित जाती, प्रभाग क्र. 24 (ब) सर्वसाधारण महिला, तर प्रभाग क्र 24 (क) सर्वसाधारण खुला प्रवर्गासाठी आहे.

प्रभाग क्रमांक 24 मधील मागच्या महापालिका निवडणुकीतील विजयी उमेदवार :

प्रभाग क्रमांक 24 (ब) : राजेंद्र उत्तमराव महाले
प्रभाग क्रमांक 24 (क) : कल्पना शिवाजी चुंभळे
प्रभाग क्रमांक 24 (ड) : प्रवीण सावळीराम तिदमे

प्रभाग क्रमांक 24 ची व्याप्ती :

सेंट्रल जेल, कलानगर, विभागीय आयुक्त कार्यालय, नवले चाळ, देवी चौक, बिटको हॉस्पिटल, जवाहर मार्केट, दुर्गा गार्डन, गोसावीवाडी, नारायण बापू नगर, नाशिकरोड रेल्वे स्टेशन

उत्तर :- जुना सायखेडा रोडवरील सहारादीप इमारत घेऊन पुर्वेकडे जाऊन इंदीरा गांधी चौकापर्यंत पुढे एम.एस.इ.बी कॉलनीकडे जाणाऱ्या रस्त्याने ड्रीम घरकुल इमारती पर्यत, तेथुन अंतर्गत रस्त्याने रामप्रभा बंगला व व्यंकटेश दर्शन इमारती पर्यंत, तेथुन पुर्वेकडे जेलरोड पर्यत, पुढे जेलरोडने म्हसोबा मंदिरा पर्यत, तेथुन पुर्वेकडे रस्त्याने बी.एस.एन.एल ऑफिस पर्यत, तेथुन उत्तरेकडे म्हसोबा व्यायाम शाळेपर्यत. तेथुन पुर्वेकडे रस्त्याने दक्षिणेकडील भाग घेऊन समर्थ कृपा बंगल्या पर्यत. तेथुन पुर्वेकडे तुलसी पार्क सोसा. मधील अंतर्गत रस्त्याने आरक्षण क्र. 395 च्या उत्तरपुर्व कोपऱ्यापर्यंत. तेथून दक्षिणेकडे डी.पी. रस्त्याने पश्चिमेकडील भाग घेऊन कॅनाल रोड पर्यत. तेथुन कॅनाल रोडने पुर्वेकडे दक्षिणेकडील भाग घेऊन ढिकले नगर चौकापर्यंत. तेथून दक्षिणेकडे मरीमाता मंदिर रेल्वे लाईन पर्यत.

पूर्व :- रेल्वे लाईन मरीमाता मंदिरापासुन दक्षिणेकडे रेल्वे लाईन हद्दीने देवी चौक येथे फुट ओव्हर ब्रीज पर्यत. तेथुन पुर्वेकडे रेल्वे ओलांडून सिन्नर फाटा रस्त्याने पुर्वेकडे शेतकरी संकुल (वगळून) मागुन नाल्यापर्यंत. पुढे नाल्याने दक्षिणेकडे महात्मा फुले विद्यालया समोरील 18 मी डी.पी. रस्त्यापर्यंत.

दक्षिण :- 18 मी. डी.पी. रस्त्याने पश्चिमेकडे रेल्वेलाईन पर्यंत, रेल्वे लाईन क्रॉस करुन सुभाष रोड पावेतो. पुढे सुभाष रोडने लॅम रोड पावेतो.

पश्चिम :- लॅमरोड सुभाषरोड चौकापासून उत्तरेकडे जाऊन बिटको चौकापर्यंत पुढे जेलरोडने इंगळेनगर चौका पावेतो पुढे पश्चिमेकडे जाऊन कॅनलरोडने जीवन ज्योती हॉस्पिटलकडे जाणाऱ्या रस्त्यापावेतो व पुढे उत्तरेकडे जाऊन पर्ल रेसिडेन्सी रस्त्याने जुन्या सायखेडया रस्त्यापर्यंत.