Praveen Kalme : मला आजच कळतंय की माझ्याविरोधात FIR, मी आखाती देशात, सोमय्यांनी आरोप केलेले प्रवीण कलमे अवतरले
Pravi Kalme on Kirit Somaiya: प्रवीण कलमे देशातून पळून गेले असल्याचा आरोप केला जात होता. या आरोप कलमेंनी फेटाळून लावला आहे. मी आखाती देशात (मिडल ईस्टमध्ये) असल्याचं प्रवीण कलमे यांनी म्हटलंय.
मुंबई : प्रवीण कलमे (Praveen Kalme) हे नाव चर्चेत आलं आहे. किरीट सोमय्यांनी (Kirit Somaiya) शुक्रवारी घेतलेल्या पत्रकार परिषदेत (Press Conference of Kirit Somaiya) प्रवीण कलमे यांचं नाव घेतल्यानंतर प्रवीण कलमे नेमके आहेत कुठे, असा प्रश्न उपस्थित होऊ लागला. सरकारी कागदपत्रांची चोरी केल्याचा आरोप प्रवीण कलमेंवर सोमय्यांनी केलेला होता. या सगळ्या प्रश्नावर अनेक प्रवीण कलमे यांनी खुलासा केला आहे. प्रवीण कलमे हे पहिल्यांच समोर आले आणि त्यांनी स्वतःच किरीट सोमय्यांनी केलेले सगळे आरोप फेटाळून लावलेत. तसंच सोमय्यांच्या प्रश्नांना उत्तरंही दिलेलं आहे. इतकंच काय तर आपण कुठेही पळून गेलेलो नाही, असंही प्रवीण कलमे यांनी यावेळी स्पष्ट केलं आहे. एबीपी न्यूज नेटवर्कशी बोलताना प्रवीण कलमे यांनी आपल्यावर उपस्थित करण्यात आलेल्या सगळ्याच आरोपांचं खंडन केलंय. आपल्याविरोधात एफआयआर झाल्याचंही किरीट सोमय्यां यांच्या पत्रकार परिषदेतून कळल्यानंच कलमे यांनी म्हटलंय.
एफआयआरबाबत आपल्याला कोणत्याही प्रकारचा ना फोन आला आणि ना इमेल आला, असं प्रवीण कलमेंनी म्हटलंय. मला कोणताही संपर्क याबाबत करण्यात आलेला नसल्याचंही कलमे यांनी यावेळी म्हटलंय. व्हिडीओ कॉन्फरन्सिंगद्वारे प्रवीण कलमे यांना संपर्क साधण्यात आला होता. त्यावेळी ते बोलत होते.
कुठे आले कलमे?
प्रवीण कलमे देशातून पळून गेले असल्याचा आरोप केला जात होता. या आरोप कलमेंनी फेटाळून लावला आहे. मी आखाती देशात (मिडल ईस्टमध्ये) असल्याचं प्रवीण कलमे यांनी म्हटलंय. त्याचप्रमाणे प्रवीण कलमेंनी नेमका हा सगळा प्रकार आणि प्रकरण काय आहे, त्यात त्यांचं नाव कुठून आलं, हा प्रश्नही कलमेंनी खोडून काढलाय. प्रवीण कलमे यांनी त्यांचे वकील लंडनमध्ये असल्याचं म्हटलंय. ते स्वतः मात्र एनजीओच्या कामासाठी आखाती देशात असल्याचं म्हटलंय.
एफआयआरचं गौडबंगाल..
दरम्यान, सोमय्यांनी केलेल्या आरोपानंतर आता आम्हीही कायदेशीर लढा देण्यासाठी तयार आहोत, असंही कलमे यांनी म्हटलं आहे. माझ्याविरोधात दाखल कऱण्यात आलेला एफआयआर खरा आहे की खोटा आहे, याबाबतही पडताळणी आणि चौकशी व्हायला हवी, अशी मागणी प्रवीण कलमे यांनी यावेळी बोलताना केली आहे.
पाहा व्हिडीओ : सोमय्यांनी केलेला आरोप नेमके काय?
