वाझे-देशमुख ‘सेटलमेंट’च्या पत्रात थेट शरद पवारांचा उल्लेख, वाचा सविस्तर प्रकरण

मुंबई : राज्यात मागील काही दिवसांमधील दुसरा लेटर बॉम्ब पडलाय. एनआयएच्या अटकेत असलेला निलंबित पोलीस अधिकारी सचिन वाझेने हा लेटर बॉम्ब टाकलाय. यात महाविकास आघाडी सरकारच्या 3 बड्या नेत्यांचा थेट उल्लेख झालाय. विशेष म्हणजे या लेटर बॉम्बमध्ये देखील शरद पवार यांच्या नावाचा उल्लेख करण्यात आलाय. त्यामुळे महाराष्ट्राच्या राजकारणात भूंकप झालाय. वाझेंच्या आरोपांनंतर शिवसेनेचे मंत्री आणि परिवहन मंत्री अनिल परब यांना स्वतः माध्यमांसमोर येऊन स्पष्टीकरण द्यावं लागलंय. त्यामुळे आता या प्रकरणात शरद पवार काय भूमिका घेतात हे पाहणं महत्त्वाचं ठरणार आहे (Sachin Vaze take Sharad Pawar name in his explosive letter about Anil Deshmukh and Anil Parab).

सचिन वाझेने आपल्या पत्रात शरद पवार यांचा आपल्या नियुक्तीला विरोध होता, असं नमूद केलंय. तसेच आपल्या नियुक्तीसाठी शरद पवार यांचं मन वळवण्यासाठी माजी गृहमंत्री आणि राष्ट्रवादी काँग्रेसचे नेते अनिल देशमुख यांनी 2 कोटी रुपयांची मागणी केल्याचा खळबळजनक आरोप केलाय. सचिन वाझेंनी या पत्रात थेट शरद पवारांचा उल्लेख केल्यानं आता पवारांची भूमिका काय आहे हे पाहणं महत्त्वाचं ठरणार आहे.

सचिन वाझेंच्या पत्रात नेमकं काय?

सचिन वाझे यांनी लिहिलेल्या पत्रात अनेक गौप्यस्फोट करण्यात आले आहेत. 2020 मध्ये त्यांना पुन्हा सेवेत घेतल्यानंतर तत्कालीन गृहमंत्री अनिल देशमुख यांनी मला सांगितलं होतं की, मला पुन्हा सेवेत घेण्यास शरद पवार यांचा विरोध आहे. तेव्हा गृहमंत्र्यांनी सांगितलं की ते पवारांचं मन वळवतील आणि त्यासाठी त्यांनी माझ्याकडे 2 कोटी रुपयांची मागणी केली. पण एवढी मोठी रक्कम देण्यास मी असमर्थता दर्शवली. त्यावर गृहमंत्र्यांनी मला पुढे ही रक्कम देण्यास सांगितलं.

ऑक्टोबर 2020 मध्ये तत्कालीन गृहमंत्र्यांनी मला सह्याद्री गेस्ट हाऊसवर बोलावलं होतं आणि मुंबई शहरातील 1 हजार 650 बार, रेस्टॉरंट्समधून पैसा गोळा करण्यास सांगितलं होतं. मात्र, हे आपल्या क्षमतेच्या बाहेर असल्याचं सांगत आपण त्यास नकार दिला होता.

इतकंच नाही तर सचिन वाझे यांनी आपल्या पत्रात अनिल देशमुख यांच्यासह शिवसेनेचे नेते आणि राज्याचे परिवहन मंत्री अनिल परब यांच्यावरही खंडणी मागितल्याचा गंभीर आरोप केलाय.

पत्राची सत्यता पडताळून कारवाईचे आदेश

दरम्यान, या पत्राची सत्यता तपासून कारवाई करण्याचे आदेश कोर्टाने CBIला दिले आहेत. या प्रकरणात आता NIA बरोबरच आता CBI कडून प्रत्यक्षरित्या तपासाला सुरुवात होणार आहे. इतकच नाही तर संबंधित पत्रावरुन मॅजिस्ट्रेटसमोर सचिन वाझे यांचा जबाबही नोंदवण्यात आला आहे. लिहिलेल्या पत्रावरुन वाझे यांनी घुमजाव करु नये यासाठी ही खबरदारी घेण्यात आली आहे.

व्हिडीओ पाहा :

हेही वाचा :

EXCLUSIVE : अनिल देशमुखांनी 2 कोटी मागितले, सचिन वाझेंचा लेटरबॉम्ब, मविआच्या 3 मंत्र्यांवर गंभीर आरोप

सिल्व्हर ओकवर राष्ट्रवादीच्या नेत्यांची खलबतं; मविआ सरकार सीबीआय चौकशीच्या निर्णयाविरोधात दंड थोपटणार?

Anil Deshmukh resign: अनिल देशमुख यांचं राजीनामा पत्र जसंच्या तसं

Sachin Vaze take Sharad Pawar name in his explosive letter about Anil Deshmukh and Anil Parab