शेतकर्‍यांच्या समर्थनात एनडीएबाहेर पडल्याबद्दल आभार, शरद पवारांकडून अकाली दलाचे अभिनंदन
शेतकर्‍यांच्या पाठीशी खंबीरपणे उभे राहिल्याबद्दल धन्यवाद!, असे ट्विट शरद पवार यांनी केले आहे.
मुंबई : कृषी विषयक विधेयकांचा विरोध करत एनडीएतून बाहेर पडलेल्या शिरोमणी अकाली दलाचे राष्ट्रवादीचे अध्यक्ष शरद पवार यांनी अभिनंदन केले आहे. शेतकर्‍यांच्या पाठीशी खंबीरपणे उभे राहिल्याबद्दल पवारांनी बादल कुटुंबाचे आभार मानले. (Sharad Pawar congratulates Akali Dal for pulling out of NDA in protest to Farmers’ Bills)
‘कृषी विधेयकाच्या निषेधार्थ प्रकाशसिंग बादल यांच्या नेतृत्वात एनडीएतून बाहेर पडलेले अकाली दलाचे अध्यक्ष सुखबीर सिंग बादल आणि खासदार हरसिमरत बादल यांचे अभिनंदन, शेतकर्‍यांच्या पाठीशी खंबीरपणे उभे राहिल्याबद्दल धन्यवाद!’ असे ट्विट शरद पवार यांनी केले आहे.
Congratulations to Shri Sukhbir Singh Badal President of @Akali_Dal_ and MP @HarsimratBadal_ who under the leadership of Hon. Shri Prakash Singh Badal pulled out of NDA in a protest to Farmers’ Bills. Thanks for firmly standing with the Farmers! @officeofssbadal
— Sharad Pawar (@PawarSpeaks) September 27, 2020
मोदी सरकारने आणलेल्या कृषी विधेयकाचा विरोध म्हणून शिरोमणी अकाली दलाने थेट राष्ट्रीय लोकशाही आघाडीतूनच बाहेर पडण्याचा निर्णय घेतला. याआधीच अकाली दलाच्या नेत्या हरसिमरत कौर यांनी कॅबिनेट मंत्रिपदाचा राजीनामा दिला होता. त्यानंतर अकाली दलाच्या पवित्र्याने भाजपला मोठा धक्का बसल्याचे मानले जाते.
“मोदी सरकारने शेतकऱ्यांच्या पिकांना किमान आधारभूत किंमत (MSP) देण्याची हमी न दिल्याने शिरोमणी अकाली दल (SAD) राष्ट्रीय लोकशाही आघाडीतून बाहेर पडत आहे. केंद्र सरकारची पंजाबी आणि शिखांच्या मुद्द्यावरही असंवेदनशीलता सुरु आहे.” असे कोअर कमिटीच्या बैठकीनंतर अकाली दलाने म्हटले. (Sharad Pawar congratulates Akali Dal for pulling out of NDA in protest to Farmers’ Bills)
राष्ट्रपती रामनाथ कोविंद यांनी संसदेत मंजूर करण्यात आलेल्या कृषीविषयक तीन विधेयकांना मंजुरी दिली आहे. याबाबचे राजपत्र आज प्रकाशित झाले आहे. राष्ट्रपतींनी विधेयकांना मंजुरी दिल्याने त्यांचे कायद्यात रुपांतर झाले. संसदेने मंजूर केलेल्या विधेयकांना राष्ट्रपतींनी 24 सप्टेंबरला मंजुरी दिल्याचे राजपत्रात म्हटले आहे.
हीच ती बहुचर्चित विधेयकं
- शेतकऱ्यांचं उत्पन्न, व्यापार आणि किसानों के उत्पाद, व्यापार आणि व्यवसाय संवर्धन सेवा विधेयक
- हमीभाव आणि कृषी सेवा विधेयक आणि शेतकरी सशक्तीकरण आणि संरक्षण विधेयक
- आवश्यक वस्तू (दुरुस्ती) विधेयक
संबंधित बातम्या :
कृषी विधेयकांना राष्ट्रपतींची मंजुरी, विरोधानंतरही रामनाथ कोविंद यांची स्वाक्षरी
कृषी विधेयक महाराष्ट्रात लागू होणार नाही, याची काळजी घेऊ : बाळासाहेब थोरात
(Sharad Pawar congratulates Akali Dal for pulling out of NDA in protest to Farmers’ Bills)
