बाळासाहेब ठाकरेंच्या स्मृतीदिनी देवेंद्र फडणवीसांचे ट्विट, म्हणाले…
शिवसेनाप्रमुख बाळासाहेब ठाकरे यांचा आज 8 वा (17 नोव्हेंबर 2020) स्मृतीदिन आहे. या पार्श्वभूमीवर राज्यातील सर्वपक्षीय नेते सोशल मीडियावर बाळासाहेबांच्या आठवणींना उजाळा देत त्यांना आदरांजली वाहताना दिसत आहेत. | Balasaheb Thackeray
मुंबई: शिवसेनाप्रमुख बाळासाहेब ठाकरे यांचा आज 8 वा (17 नोव्हेंबर 2020) स्मृतीदिन आहे. या पार्श्वभूमीवर राज्यातील सर्वपक्षीय नेते सोशल मीडियावर बाळासाहेबांच्या आठवणींना उजाळा देत त्यांना आदरांजली वाहताना दिसत आहेत. विरोधी पक्षनेते देवेंद्र फडणवीस यांनीही ट्विट करुन बाळासाहेबांना आदरांजली वाहिली. आमचे हृदयस्थान, मार्गदर्शक, प्रेरणास्त्रोत हिंदूहृदयसम्राट, शिवसेनाप्रमुख स्व. बाळासाहेब ठाकरे यांना स्मृतिदिनी कोटी कोटी अभिवादन.., असे देवेंद्र फडणवीस यांनी आपल्या ट्विटमध्ये म्हटले आहे. (Balasaheb Thackeray death anniversary)
आमचे हृदयस्थान, मार्गदर्शक, प्रेरणास्त्रोत हिंदूहृदयसम्राट, शिवसेनाप्रमुख स्व. बाळासाहेब ठाकरे यांना स्मृतिदिनी कोटी कोटी अभिवादन.. pic.twitter.com/XdbnEApHTa
— Devendra Fadnavis (@Dev_Fadnavis) November 17, 2020
[svtimeline][/svtimeline][svt-event title=”‘असा मोहरा कधी न जाहला’, बाळासाहेबांच्या स्मृतिदिनी राऊतांकडून दंडवत, पवार-खडसेंचीही आदरांजली” date=”17/11/2020,10:55AM” class=”svt-cd-green” ] हिंदुहृदयसम्राट शिवसेनाप्रमुख बाळासाहेब ठाकरे यांचा आज 8 वा (17 नोव्हेंबर 2020) स्मृतीदिन. त्यानिमित्ताने विविध राजकीय पक्षाचे नेते बाळासाहेबांच्या आठवणी जागवत आहेत तसंच त्यांच्या स्मृतींना अभिवादन करत आहेत. शिवसेना नेते खासदार संजय राऊत यांनी ‘असा मोहरा कधी न जाहला’, असं म्हणत आपल्या शीर्षस्त नेत्याला साष्टांग दंडवत घातला आहे. [/svt-event]
[svt-event title=”मंत्रालयावर भगवा, बाळासाहेबांचं एक स्वप्न पूर्ण, दुसरं आम्ही पूर्ण करु: छगन भुजबळ” date=”17/11/2020,10:58AM” class=”svt-cd-green” ] आज बाळासाहेबांच्या स्मृतिस्थळावर अभिवादन करण्यासाठी आलो आहे. यावर्षी मंत्रालयावर शिवसेनेचा भगवा फडकवण्याचे बाळासाहेबांचे स्वप्न पूर्ण झाले. बाळासाहेबांचे आणखी एक स्वप्न होते. मराठी माणूस एक पाऊल पुढे गेला पाहिजे. ते स्वप्नही आम्ही लवकरच पूर्ण करू, असे छगन भुजबळ यांनी सांगितले. [/svt-event]
[svt-event title=”शरद पवारांकडून बाळासाहेबांना मानवंदना” date=”17/11/2020,11:06AM” class=”svt-cd-green” ] शिवसेनाप्रमुख स्व. बाळासाहेब ठाकरे यांचे अमोघ वक्ता, व्यंगचित्रकार व राजकीय भाष्यकार म्हणून कार्यकर्तृत्वही विशेष महत्त्वाचे होते. राजकीय कार्यकर्त्यांनी त्यांच्या विजिगीषु वृत्तीचे प्रकर्षाने स्मरण करणे क्रमप्राप्त आहे. पुण्यतिथी दिनी स्व. बाळासाहेब ठाकरे यांना विनम्र अभिवादन, असे शरद पवार यांनी आपल्या ट्विटमध्ये म्हटले आहे. [/svt-event]
[svt-event title=”बाळासाहेबांच्या स्मृतीस्थळावर शिवसैनिकांची गर्दी” date=”17/11/2020,11:01AM” class=”svt-cd-green” ] दरवर्षी या निमित्ताने त्यांना अभिवादन करण्यासाठी लाखो शिवसैनिक शिवतीर्थावर जाऊन त्यांना अभिवादन करत असतात. यंदा मात्र कोरोनाचे सावट असल्याने गर्दी करू नका, संयम पाळा, जेथे आहात तिथूनच शिवसेनाप्रमुखांना मानवंदना द्या, असे आवाहन शिवसेना पक्षप्रमुख आणि मुख्यमंत्री उद्धव ठाकरे यांनी केले आहे. उद्धव ठाकरेही बाळासाहेबांना आदरांजली वाहण्यासाठी शिवाजी पार्कमध्ये येणार आहेत. [/svt-event]
संबंधित बातम्या:
(Balasaheb Thackeray death anniversary)