बाई समजून हलक्यात घेवू नका नाही तर… सुषमा अंधारे यांचा भर सभेत जाहीर इशारा

मुंबई : उद्धव ठाकरे यांच्या शिवसेनेने नवी मुंबईत महाप्रबोधन यात्रा घेतली. या कार्यक्रमात शिवसेना नेत्या सुषमा अंधारे यांनी तुफान फटकेबाजी केली. यावेळी त्यांनी आपल्या खास शैलीत मुख्यमंत्री एकनाथ शिंदे पासून मनसे प्रमुख राज ठाकरेंसह अनेक दिग्गज नेत्यांचा आपल्या खास शैलीत समाचार घेतला.

ठाण्यातील कार्यक्रमात सुषमा अंधारे यांनी पंतप्रधान नरेंद्र मोदींची नक्कल होती. या प्रकरणी त्यांच्याविरोधात प्रक्षोभक भाषण केल्या प्रकरणी पोलिस ठाण्यात गुन्हा दाखल झाला आहे.

9 तारखेला सभा झाली आणि 12 तारखेला गुन्हा दाखल झाला. अद्याप कुठे दंगल झालेली नाही मग चिथावणीखोर वक्तव्य कसं काय म्हणाता येईल? असा सवाल अंधारे यांनी उपस्थित केला आहे. राज ठाकरे अनेक नेत्यांची नक्कल करतात मग त्यांच्यावर किती गुन्हे दाखल झाले असा प्रश्नही अंधारे यांनी विचारला आहे.

बाई समजून हलक्यात घेवू नका. माझ्या पक्ष नेतृत्वाकडे जो कोणी बोट दाखवेल त्याचा व्याजासकट हिशोब घेतला जाईल असा इशारा सुषमा अंधारे यांनी दिला.

शिंदेंना प्रश्न विचारला की फडणवीस उत्तरं देतात. त्यांच्या समोरचा माईक खेचतात. त्यांना चिठ्ठ्या लिहून देतात. माझा भाऊ कॉप्या करून पास झालाय का? असं म्हणत अंधारे यांनी एकनाथ शिंदे यांना खोचक टोला लगावला.

माज्या कडून कोणाचेही मन दुखावले असतील तर मी कोणाची माफी मागणार नाही मी माझ्या वत्याव्यवर ठाम आहे असंही सुषमा अंधारे म्हणाल्या.