VVMC election 2022 : बदललेल्या प्रभागरचनेत विजयाची पुनरावृत्ती करणार बहुजन विकास आघाडी? वाचा, प्रभाग 25ची स्थिती

वसई विरार महापालिका, वॉर्ड 25

Image Credit source: tv9

वसई विरार : वसई विरार महापालिकेच्या निवडणुकीच्या (VVMC election 2022) तयारीला राजकीय पक्ष लागले आहेत. मागील निवडणूक 2015ला झाली होती. आता येथील निवडणूक इतर महापालिकांच्या निवडणुकीसोबत होणार असल्याचे दिसत आहे. एकूण 115 जागांसाठी ही निवडणूक असणार आहे. 115 जागांपैकी तब्बल 106 जागी बहुजन विकास आघाडीने (Bahujan Vikas Aghadi) विजय मिळवला होता. तर इतर जागांवर बाकीच्या पक्षांना विजय मिळवता आला. त्यावेळी एक प्रभाग एक नगरसेवक अशी रचना होती. यावेळी तीन सदस्यीय प्रभागरचना असणार आहे. त्यातही बदल होण्याची शक्यता व्यक्त होत आहे. मात्र सध्यातरी तीन सदस्यीय प्रभाग रचनेप्रमाणे प्रशासनाने तयारी केली आहे. यामुळे प्रभागांची रचना बदलली आहे. त्याचबरोबर आरक्षणही बदलले आहे. त्यामुळे बहुजन विकास आघाडीसोबत इतर पक्ष कशापद्धतीने लढतात, ते पाहणे महत्त्वाचे आहे. एकूण 42 वॉर्डातूनही (Ward) निवडणूक होईल.

प्रभागातील व्याप्ती कशी?

प्रभाग 25ची राजीव गांधी शाळा परिसर, धानिव बाग, श्रीराम नगर, बिलाल पाडा, पांडेनगर, जीवननगर, सत्यनारायण मंदिर परिसर (गावराईपाडा), गावराईपाडा फेज 2 परिसर, डोंगरपाडा अशी व्याप्ती आहे. तर बारोंडा देवी मंदिर, महादेव मंदिर, खैरपाडा, पारले इंडस्ट्री, वरूण इंडस्ट्री, सतीश स्टील, तिरूपती बालाजी नगर, वालईपाडा आदी महत्त्वाचा परिसर आहे.

लोकसंख्येचे गणित

प्रभाग 25मधील एकूण लोकसंख्या 30,799 इतकी असून यात अनुसूचित जातीची लोकसंख्या 1080 तर अनुसूचित जमातीची लोकसंख्या 1488 इतकी आहे.

कोण मारणार बाजी?

2015च्या निवडणुकीत बहुजन विकास आघाडीने एकतर्फी विजय मिळवला होता. याठिकाणी 115पैकी 106 जागा मिळवत इतर सर्वच पक्षांना झोपवले होते. इतर पक्षांमध्ये शिवसेनेला 5, भाजपाला 1 तर काँग्रेसला 1 जागा मिळाली होती. त्यामुळे विजयाची पुनरावृत्ती बहुजन विकास आघाडी करणार का, हे पाहावे लागणार आहे.

विजयी उमेदवार (2017)

प्रभाग 25मध्ये मागील वेळी बहुजन विकास आघाडीच्या मीनल रमाकांत पाटील यांनी विजय मिळवला होता. यावेळी आरक्षण आणि प्रभाग रचना बदलली असल्यामुळे प्रत्येकालाच आपला सोयीस्कर प्रभाग शोधावा लागणार आहे.

प्रभाग 25 (A)

प्रभाग 25 (B)

प्रभाग 25 (C)

आरक्षण कसे?

प्रभाग 25मध्ये मागील वेळेप्रमाणे आरक्षण नसून त्यात बदल झाला आहे. त्यानुसार 25 अ हा इतर मागास प्रवर्गाच्या उमेदवारासाठी राखीव असणार आहे. तर ब आणि क हा विभाग सर्वसाधारण उमेदवारासाठी राखीव ठेवण्यात आला आहे.