Pune : गणेश विसर्जन मिरवणूकीत चंद्रकांत दादा अन् आदित्य ठाकरे एकत्र, नेमके पुण्यात घडले तरी काय?
मुंबईनंतर आदित्य ठाकरे यांनी पुणे येथील विविध सार्वजनिक गणेश मंडळांना भेटी दिल्या. यामध्ये प्रामुख्याने दगडुशेठ हलवाई, कसबा गणपती यांचा समावेश होता. आदित्य ठाकरे दाखल होताच तरुणांनी एकच जल्लोष केला. शिवाय मंडळाच्या मिरवणूकीत त्यांनी सहभाग घेताच तरुणांचा उत्साह शिगेला पोहचला जात होता.
पुणे : राज्यातील (Political differences) राजकीय मतभेद किती टोकाला गेले आहेत, हे नव्याने सांगायची गरज नाही. असे असले तरी सार्वजनिक कार्यक्रमात हेच नेते समोरासमोर आले तर एकमेकांबद्दल आदरयुक्त भावना हीच महाराष्ट्राची खरी संस्कृती आहे. असाच काहीसा प्रकार पुण्याच घडला आहे आणि निमित्त ते गणरायाच्या विसर्जन मिरवणूकीचे. राज्यात यंदा गणेश विसर्जनाचा उत्साह काही वेगळाच आहे. याच गणेश भक्तांच्या उत्साहात सहभाग नोंदवला आहे तो राजकीय नेत्यांनीही. त्याचे झाले असे, येथील कसबा गणपतीच्या विसर्जन मिरवणूकी दरम्यान, भाजपाचे (Chandrakant Patil) चंद्रकांत पाटील आणि (Aaditya Thackeray) शिवसेनेचे आ. आदित्य ठाकरे तिथे पोहचले. यावेळी एकमेकांना पाठ न दाखवता त्या दोघांनी मात्र, गणपतीची पालखी खांद्यावर घेतली.
नेमका तो प्रसंग काय ?
मुंबईप्रमाणेच पुण्यात देखील गणेश विसर्जन मिरवणूका मोठ्या उत्साहात पार पडतात. येथील कसबा सार्वजनिक गणेश मंडळाची विसर्जन मिरवणूक सुरु होतानाच भाजपाचे चंद्रकांत पाटील आणि आ. आदित्य ठाकरे हे दाखल झाले होते. आता दोघेच एकाच वेळी म्हटल्यावर काय होणार असा प्रश्न काही क्षणापुरता पडला होता पण या दोघांनीही एकत्र येऊन गणपतीची पालखी खांद्यावर घेत, गणरायाचा जयघोष केला. त्यामुळे राजकारणात काही का असेना पण सार्वजनिक कार्यक्रमात आल्यावर सर्व मतभेद हे बाजूला ठेवले जातात याचेच दर्शन त्या दोघांनी घडवून आणले.
आदित्य ठाकरेंच्या मंडळांना भेटी
मुंबईनंतर आदित्य ठाकरे यांनी पुणे येथील विविध सार्वजनिक गणेश मंडळांना भेटी दिल्या. यामध्ये प्रामुख्याने दगडुशेठ हलवाई, कसबा गणपती यांचा समावेश होता. आदित्य ठाकरे दाखल होताच तरुणांनी एकच जल्लोष केला. शिवाय मंडळाच्या मिरवणूकीत त्यांनी सहभाग घेताच तरुणांचा उत्साह शिगेला पोहचला जात होता. एवढेच नाहीतर सेल्फी घेण्यासाठी अनेक तरुण-तरुणींनी त्यांना गराडा घातला होता.
पुण्यात 5 हजार पोलिसांचा बंदोबस्त
गणरायाला शांततेत निरोप देण्यासाठी पोलिस यंत्रणाही सतर्क झाली आहे. पुण्यात 3 हजार सार्वजनिक मंडळांच्या गणेश मूर्तींचे विसर्जन होणार आहे. शहरात सर्वत्र शांततेत मिरवणूका आणि विसर्जन होण्याच्या दृष्टीने 5 हजार पोलिसांचा बंदोबस्त राहणार असल्याचे पोलिस आयुक्त अमिताभ गुप्ता यांनी सांगितले आहे.
