ग्रहांच्या अशुभ प्रभावापासून बचाव करते झाडांचे मुळं, या नियमांचे पालण करणे आवश्यक

ग्रह दोष

Image Credit source: Social Media

मुंबई : ग्रह आणि नक्षत्रांची स्थिती एखाद्या व्यक्तीच्या जीवनावर परिणाम करते. व्यक्तीचे आरोग्य, प्रगती, आर्थिक स्थिती ग्रहांच्या स्थितीवर अवलंबून असते. ग्रहांची स्थिती चांगली असेल तर व्यक्तीला संपत्ती, मान-सन्मान, कीर्ती, वैभव, करिअरमध्ये यश मिळू शकते. पण जर एखाद्या व्यक्तीच्या कुंडलीत ग्रह दोष असतील तर त्याला जीवनात अनेक समस्यांना सामोरे जावे लागते. कुंडलीतील हे दोष दूर (Graha dosh Upay) करण्यासाठी लोक अनेक ज्योतिषीय उपाय करतात. काही लोकांना ग्रहांशी संबंधित रत्ने घालण्याचा सल्ला देखील दिला जातो. यासोबतच तुम्ही झाडांच्या मुळांशी संबंधित काही सोपे उपाय करू शकता. ज्याद्वारे तुम्ही नवग्रहातील दोषांपासून मुक्त होऊ शकता.

शास्त्रानुसार एखाद्या व्यक्तीच्या कुंडलीत सूर्य अशुभ प्रभाव देत असेल तर रविवारी वेलीच्या मुळाला बांधण्याचा सल्ला दिला जातो. ते बांधण्यासाठी प्रथम लाल कापड घ्या. आता त्यात वेलाची मुळं टाका. आता सूर्य मंत्राचा जप करताना उजव्या हातावर हे बांधा. यामुळे कुंडलीत सूर्याची स्थिती मजबूत होऊ लागेल.

कुंडलीत ग्रह अशुभ असताना या झाडांची मुळं धारण करा

•  शास्त्रानुसार एखाद्या व्यक्तीच्या कुंडलीत चंद्र अशुभ स्थितीत असेल तर खिरणीचे मूळ पांढऱ्या कपड्यात घेऊन बांधावे. याचा तुम्हाला नक्कीच फायदा होईल.
• जर एखाद्या व्यक्तीच्या कुंडलीत मंगळ अशुभ स्थितीत असेल तर खीरची मुळे लाल कपड्यात बांधून मंगळवारी घालण्याचा सल्ला दिला जातो.
• जर एखाद्या व्यक्तीच्या कुंडलीत बुध अशुभ स्थितीत असेल तर बुधवारी हिरव्या कपड्यात बांधलेल्या विधाराचे मूळ धारण करणे लाभदायक ठरते.
• जर एखाद्या व्यक्तीच्या कुंडलीत गुरु किंवा बृहस्पति अशुभ स्थितीत असेल तर गुरुवारी केळीच्या झाडाचे मूळ पिवळ्या कपड्यात बांधावे. लवकरच तुम्हाला याचा फायदा मिळेल.
• जर एखाद्या व्यक्तीच्या कुंडलीत शुक्र अशुभ स्थितीत असेल तर शुक्रवारी एका पांढऱ्या कपड्यात उंबराच्या झाडाची मुळे बांधून ठेवा, चांगले फळ मिळेल.
• जर एखाद्या व्यक्तीच्या कुंडलीत शनि अशुभ स्थितीत असेल तर शनिवारी शमीच्या झाडाचे मूळ निळ्या कपड्यात बांधावे. यामुळे शनिदेवाचा अशुभ प्रभाव कमी होईल.
• राहूला छाया ग्रह मानले जाते, त्याचे दुष्परिणाम टाळण्यासाठी पांढऱ्या चंदनाचा तुकडा निळ्या कपड्यात बांधण्याचा सल्ला दिला जातो.
• दुसरीकडे केतूचे दुष्परिणाम टाळण्यासाठी अश्वगंधाचे मूळ निळ्या कपड्यात बांधावे.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)