मुंबई : धर्मग्रंथ आणि पौराणिक मान्यतेनुसार पंचक (Panchak) विशेष मानले जाते. हे 5 दिवस अतिशय अशुभ आहेत. पंचक दर महिन्याला येत असल्याने हिंदू धर्मात कोणतेही शुभ कार्य करण्यापूर्वी पंचक विचार करण्याची परंपरा आहे. पंचक देखील दिवसाशी संबंधित आहे. पंचकचे नाव दिवसानुसार ठरवले जाते आणि त्याचे महत्त्व देखील वेगळे आहे. यावेळी मार्च महिन्यात चोर पंचक लागणार आहे. मार्च 2024 मध्ये नेमके कोणत्या तारखेला पंचक लागणार आहे आणि या काळात कोणकोणते नियम पाळावे लागतात ते आपण जाणून घेऊया.
मार्चमधील चोर पंचक 8 मार्च 2024 रोजी रात्री 09.20 वाजल्यापासून सुरू होत आहे, हा दिवस महाशिवरात्री आहे. 12 मार्च 2024 रोजी रात्री 08.29 वाजता संपेल. चोरपंचकमध्ये आर्थिक नुकसान होण्याची शक्यता वाढते.
ज्योतिषशास्त्रानुसार शुक्रवारपासून सुरू होणाऱ्या पंचकांना चोर पंचक म्हणतात. या पंचकमध्ये कोणत्याही प्रकारचे व्यवहार, व्यापार, व्यावसाय करू नयेत, प्रवास करण्यासही मनाई आहे. चोरपंचकमध्ये या नियमांकडे दुर्लक्ष केल्यास आर्थिक नुकसान होऊ शकते. व्यक्ती कर्जाच्या कचाट्यात येते.
ज्योतिषशास्त्रात पंचक हा अशुभ मानला गेला असून सर्व शुभ कार्ये वर्ज्य आहेत. विशेषत: नवीन घराचा पाया किंवा छप्पर घालणे, नवीन व्यवसाय सुरू करणे, लग्न करणे, उपनयन संस्कार करणे, नवीन कपडे खरेदी करणे, नवीन गुंतवणूक करणे इत्यादी कामे चुकूनही करू नयेत. असे केल्यास नुकसान होण्याची शक्यता असते.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)