या रत्नाच्या प्रभावाने व्यक्ती बनू शकतो रंकाचा राजा! शनिदेवाची लाभते कृपा
बऱ्याचदा अथक परिश्रमानंतरही व्यक्तीला यश मिळत नाही. जोतिषशास्त्रानुसार यामागे ग्रहांची दूर्बलता हे कारण असू शकते. एखाद्या ग्रहाची उर्जा भरून काढण्यासाठी जोतिषशास्त्रात ग्रहाचे महत्त्व सांगण्यात आलेले आहेत.
मुंबई : ग्रहांना शांत करण्यासाठी किंवा जन्मकुंडलीत निर्माण झालेले दोष दूर करण्यासाठी विविध रत्नांचा वापर केला जातो. रत्न शास्त्रामध्ये नऊ रत्नांचे वर्णन आहे जे कोणत्या ना कोणत्या ग्रहाशी संबंधित आहेत. ही रत्ने धारण केल्याने व्यक्तीच्या जीवनात आनंद येतो आणि अनेक प्रकारच्या दोषांपासून मुक्ती मिळते. आज आपण शनिदेवाशी संबंधित असलेल्या नीलम रत्नाबद्दल (Neelam Stone benefits) जाणून घेणार आहोत. जर एखाद्या व्यक्तीच्या पत्रिकेत शनि दूर्बल स्थितीत असेल तर त्याने नीलम रत्न धारण करावे. असे केल्याने त्याला अनेक प्रकारचे फायदे मिळतील. नीलम रत्न कसे परिधान करावे आणि त्याचे फायदे काय आहेत ते जाणून घेऊया.
या राशीचे लोकं नीलम रत्न परिधान करू शकतात
ज्योतिषशास्त्रानुसार, मकर आणि कुंभ राशीचे लोकं नीलम रत्न घालू शकतात. कारण शनि हा या दोन्ही राशींचा अधिपती ग्रह आहे. मिथुन, कन्या, वृषभ आणि तूळ राशीचे लोकं देखील निळा नीलम रत्न घालू शकतात. ज्या व्यक्तीच्या पत्रिकेत शनि कमकुवत स्थितीत असतो त्यांना हे रत्न धारण केल्याने खूप लाभ होतो. नीलम रत्न धारण करताना लक्षात ठेवा की त्याच्यासोबत कोरल, माणिक किंवा मोती घालू नये. यामुळे व्यक्तीचे नुकसान होऊ शकते.
नीलम रत्न धारण केल्याने तुम्हाला हे फायदे मिळतात
जेमोलॉजीमध्ये असे म्हटले आहे की निळा नीलम धारण केल्याने व्यक्तीला खूप आर्थिक आणि मानसिक फायदा होतो. जर एखाद्या व्यक्तीला करिअर किंवा व्यवसायात प्रगती हवी असेल तर हे रत्न त्याच्यासाठी फायदेशीर आहे. ज्यांना नैराश्य किंवा मानसिक समस्या आहेत त्यांच्यासाठीही हे रत्न फायदेशीर ठरते. असे मानले जाते की नीलम रत्न धारण केल्याने विचार करण्याची क्षमता वाढते.
असे करा नीलम रत्न धारण
नीलम रत्न खरेदी करताना लक्षात ठेवा की ते साडेसहा किंवा साडेसात कॅरेटचे असावे. तसेच शनिवारी हे रत्न धारण केल्याने विशेष लाभ होतो. नीलम पंच धातू किंवा चांदीच्या धातूमध्ये घालता येते. हाताबद्दल बोलायचे तर ते मधल्या बोटात घातले पाहिजे. नीलम रत्न धारण करण्यापूर्वी अंगठी गाईच्या दुधाने किंवा गंगाजलाने शुद्ध करून ओम शनिश्चराय नमः या मंत्राचा 108 वेळा जप करून धारण करा. हे देखील सुचवले आहे की रत्न खरेदी करण्यापूर्वी, आपण ज्योतिषांशी संपर्क साधावा.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
