30 वर्षांनी ग्रहमंडळात असं काही घडतंय, शनि सूर्यामुळे या राशींना येणार ‘अच्छे दिन’

ज्योतिशशास्त्रात ग्रहांचं खूप महत्त्व आहे. ग्रहांची स्थिती मानवी जीवनावर प्रभाव टाकत असते. त्यामुळे कोणता ग्रह कोणत्या स्थानात बसला आहे इथपासून कुठे नजर आहे हे महत्त्वाचं ठरतं. ग्रहांच्या स्थितीमुळे राशीचक्रात उलथापालथ होत असते. त्याचा प्रभाव राशीचक्रातील 12 राशींवर होत असतो. असा एक योग 30 वर्षांनंतर जुळून आला आहे. त्यामुळे राशीचक्रावर परिणाम होणार असं ज्योतिष सांगताहेत. ग्रहांचा राजा सूर्यदेव 16 ऑगस्टपासून स्वराशीत म्हणजेच सिंह राशीत गोचर करत आहे. तर शनिदेव 30 वर्षानंतर स्वरास असलेल्या कुंभ राशीत विराजमान आहेत. दोन्ही ग्रह एकमेकांपासून 180 डिग्रीवर आहे. म्हणजेच एकमेकांपासून 7 व्या स्थानावत असणार आहेत. यामुळे समसप्तक योग तयार झाला आहे. या योगामुळे राशीचक्रात उलथापालथ होईल. पण तीन राशींना या स्थितीचा फायदा होणार आहे. चला जाणून घेऊयात या तीन राशींबाबत

या तीन राशींना मिळणार लाभ

कुंभ : या राशीच्या लोकांना समसप्तक योग लाभदायी ठरणार आहे. साडेसातीचा मधला टप्पा सुरु असताना काही सकारात्मक गोष्टी घडतील. खासकरून नोकरी करणाऱ्या जातकांना या स्थितीचा लाभ मिळेल. तसेच वैवाहिक जीवनात सुरु असलेलं तणावाचं वातावरण निवळेल. त्यामुळे मनाला एक शांती लाभेल. गेल्या काही दिवसांपासून हाती घेतलेली कामंही पूर्ण होतील. त्यामुळे थोडा दिलासा मिळेल.

मेष: मुळात या राशीच्या जातकांना कोणतंही गोष्ट उशिरा झालेली आवडत नाही. त्यामुळे गेल्या काही दिवसांपासून अडकलेली कामं आणि कामाचा वाढता पसारा पाहून चिडचिड होणं साहाजिकच आहे. पण आता सूर्य आणि शनिच्या स्थितीचा लाभ मिळेल. अडकलेली कामं मार्गस्थ लागतील. त्यामुळे अडकलेले पैसा हाती येईल. कोणतंही काम हाती घेतलं की तडीस नेता येईल.

मिथुन : या राशीच्या जातकांना शनि आणि सूर्य उत्तम साथ देतील. देश विदेशात फिरण्याचा योग जुळून येईल. आर्थिक स्थिती या कालावधीत सुधारेल. कोणाची उसनवारी असेल तर या काळात फेडून टाका. तसेच अनावश्यक खर्चांना आळा घालणं गरजेचं आहे. नवी कामं हाती येतील. त्यातून अपेक्षित आर्थिक लाभ मिळेल.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)