मुंबई : गुरु पुष्य नक्षत्र ज्याला आपण गुरू पुष्यामृत योग (Guru Pushyamrut Yoga) देखील म्हणतो हे हिंदू धर्म आणि ज्योतिषशास्त्रात खूप शुभ मानले जाते. गुरु पुष्य नक्षत्रात कोणतेही कार्य सुरू केल्यास त्यात निश्चितच यश मिळते, अशी धार्मिक धारणा आहे. या शुभ योगामध्ये दागिने, मालमत्ता किंवा वाहन यासारख्या नवीन वस्तू खरेदी करणे शुभ मानले जाते. हिंदू दिनदर्शीकेनुसार, आज 22 फेब्रुवारी 2024 रोजी गुरु पुष्य नक्षत्र आहे, हा विशेष संयोग फक्त गुरुवारीच तयार होत आहे, त्यामुळे हा खूप शुभ मानला जातो.
गुरु पुष्य नक्षत्रात आज नवीन व्यवसाय किंवा प्रकल्प सुरू करणे शुभ आहे. आज वाहन किंवा दागिने खरेदी केल्यास ते शुभ मानले जाते. याशिवाय गुरु पुष्य नक्षत्रात पिवळ्या वस्तूंचे दान करावे. गुरु पुष्य नक्षत्रात पिवळ्या वस्तूंचे दान केल्याने देवगुरू बृहस्पति प्रसन्न होतो आणि व्यक्तीच्या कुंडलीत गुरूचे स्थान मजबूत होते.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)