Chaturthi 2024 : या दिवशी आहे वर्षातील पहिली विनायकी चतुर्थी, अशा प्रकारे करा श्री गणेशाची आराधना

गणपती

Image Credit source: Social Media

मुंबई : प्रत्येक महिन्यात दोन चतुर्थी तिथी असतात. कृष्ण पक्षातील एका चतुर्थीला संकष्टी चतुर्थी म्हणतात, तर शुक्ल पक्षातील दुसरी चतुर्थी विनायक चतुर्थी (Vinayak Chaturthi) म्हणून ओळखली जाते. दोन्ही चतुर्थी गणेशाला समर्पित असते. या दिवशी विधीपूर्वक गणेशाची पूजा केली जाते. हिंदू धर्मात गणेशाला शुभ आणि अडथळे दूर करणारे मानले जाते. चतुर्थी तिथीला गणेशाची पूजा करणे अत्यंत शुभ मानले जाते. या दिवशी गणेशाची पूजा केल्याने ज्ञान आणि समृद्धी प्राप्त होते. अशा परिस्थितीत 2024 च्या पहिल्या विनायक चतुर्थीची पूजा पद्धत, शुभ मुहूर्त आणि त्याचे महत्त्व जाणून घेऊया.

विनायक चतुर्थी 2024 तारीख

पंचांगानुसार पौष महिन्याच्या शुक्ल पक्षातील चतुर्थी तिथी 14 जानेवारी 2024 रोजी सकाळी 7.59 पासून सुरू होत आहे. 15 जानेवारी 2024 रोजी सकाळी 7:59 वाजता संपेल. अशा परिस्थितीत 2024 सालची पहिली विनायक चतुर्थी 14 जानेवारी 2024 रोजी साजरी होणार आहे.

विनायक चतुर्थी पूजा पद्धत

• विनायक चतुर्थीच्या दिवशी सकाळी स्नान करून स्वच्छ वस्त्रे परिधान करून श्रीगणेशाची पूजा करावी व त्याची पूजा करण्याचा संकल्प करावा.
• श्रीगणेशाच्या मूर्तीची प्रतिष्ठापना करून जलाभिषेक करावा.
• श्रीगणेशाला चंदनाचा तिलक लावावा, वस्त्र, कुंकू, धूप, दिवा, अखंड लाल फुले, सुपारी, विड्याचे पान इत्यादी अर्पण करा.
• गणपतीला मोदक आणि दुर्वा खूप आवडतात असं म्हणतात.
• अशा स्थितीत त्यांचा आशीर्वाद मिळवण्यासाठी विनायक चतुर्थीच्या दिवशी मोदक किंवा लाडूचा नैवेद्य अवश्य दाखवावा.

विनायक चतुर्थीला करा हे उपाय

• कुटुंबाच्या प्रगतीसाठी आणि समृद्धीसाठी विनायक चतुर्थीच्या दिवशी उंदरावर बसलेल्या गणेशाची मूर्ती किंवा फोटोची पूजा करा. याने तुमच्या सर्व मनोकामना पूर्ण होतील.
• गणपतीला मोदक अतिशय प्रिय आहेत. अशा स्थितीत कोणतीही विशेष इच्छा पूर्ण करण्यासाठी विनायक चतुर्थीच्या दिवशी गणपतीला मोदक अर्पण करा. यामुळे तुमची इच्छा नक्कीच पूर्ण होईल.
• गणपतीला मोदकाशिवाय दुर्वाही आवडतात. विनायक चतुर्थीच्या दिवशी पूजेच्या वेळी “इदं दुर्वदलं ओम गं गणपतये नमः” या मंत्राने गणपतीला दुर्वा 5 किंवा 21 संख्येत अर्पण करा.
• विनायक चतुर्थीच्या दिवशी पूजेच्या वेळी गणपतीला शेंदूर वाहा. स्वतःच्या कपाळालाही लावा.
• या दिवशी पूजा करताना श्रीगणेशाला शमीची पाने अर्पण करा. यामुळे श्रीगणेश प्रसन्न होतील आणि तुमच्या मनोकामना पूर्ण होतील.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)